“თბილისიდან წამოვედი იმ მიზნით, რომ მეზობლებს, ყველა ადამიანს გავაცნო და გვერდით დავუდგე მანუჩარს”.
ეს განცხადება ცნობილმა ადვოკატმა მიხეილ რამიშვილმა მის მშობლიურ ჩოხატაურის მუნიციპალიტეტის სოფელ ფარცხმაში, გაერთიანებული ოპოზიციიდან გურიაში მაჟორიტარი დეპუტატობის კანდიდატის, მანუჩარ კვირკველიას მხარდასაჭერ “კარდაკარის” დასრულების შემდეგ “გურიის მოამბესთან” გააკეთა.
რამიშვილმა “კარდაკარის” პარალელურად მისი მშობლების საცხოვრებელი სახლი მოინახულა, სადაც მისი მამა, ცნობილი ქართველი მომღერალი, ოთარ რამიშვილი ცხოვრობდა:
” იცით რა არის ჩემი ჩამოსვლის მიზეზი, საქართველოში ძალიან დიდი არჩევანი უნდა გაკეთდეს და ძალიან დიდი ცვლილებები უნდა მოხდეს და ჩვენ ისეთი არჩევანი უნდა გავაკეთოთ ადამიანებზე, რომლებიც მართლა სერიოზულ და დიდ ცვლილებებს შეიტანს ჩვენს ცხოვრებაში და ჩემი არჩევანი არის მანუჩარ კვირკველია, ეს არი ჩემი მამულეთი და გურიიდან მოდის ჩემი ფესვები, ჩოხატაურიდან, ჩემი გვარია რამიშვილი – ასე უთხრა დედამ შვილებს გაუმარჯოს რამიშვილებს – და ენდეთ მხოლოდ რამიშვილებს. მოვედი აქ და გადავწყვიტე გურულებს მოვუწოდო, რომ არჩევანი გააკეთონ მანუჩარზე, იმიტო რო ეს არი მართლა დამოუკიდებელი ადამიანი. ეს არ არი არავისზე დამოკიდებული ადამიანი და იქნება მხოლოდ გურულებზე დამოკიდებული, მისი კარი არასდროს იქნება დაკეტილი მე პასუხსიმგებელი ვიქნები და გუშინაც განვაცხადე, რომ პასუხისმგებელი ვიქნები რომ მანუჩარი იქნება მართლაც დამოუკიდებელი და მისი მიზანი იქნება ხალხზე და გურულებზე ზრუნვა. აქ ისეთი სიცოცხლე ჩქეფდა, რომელიც მე მახსოვდა, ეს არი მხოლოდ და მხოლოდ ჩემი ჩამოსვლის მიზეზი, და მოვიყვანე იქ სადაც ყოველთვის იყო სიცოცხლე – ჩემს მამაპასისეულ ოდაში – კერა, სადაც არი რამიშვილების გვარი ჩვენ საერთოდ სურებიდან ვართ, მაგრამ ჩემი წინაპრები წამოვიდნენ აქ, აქ არი მამაჩემის ფესვები. ამ სახლში და მე მინდა გურულებმა ძალიან სწორი არჩევანი გააკეთონ, იმიტო რომ მე ვენდობი მანუჩარს თბილისიდან წამოევდი იმ მიზნით, რომ მეზობლებს ყველა ადამიანს გავაცნო და გვერდით დავუდგე მანუჩარს”, _ აღნიშნა ჩვენთან საუბრისას მიხეილ რამიშვილმა.
აღსანიშნავია, რომ მანუჩარ კვირკველიას მხარდასაჭერად, რეგიონში ის წარმატებული ახალგაზრდებიც ჩამოვიდნენ, რომლებსაც ფესვები გურიიდან აქვთ და წლებია დედაქალაქში, პოლიტიკურ აქტივობებში არიან ჩართულები:
_ გურია ჩემი მშობლიური მხარეა და ბევრი ფიქრი არ დამჭირვებია აქ წამოსასვლელად. საკმაოდ რთული რეგიონია, ვიცით რომ მარტივი არ იქნება, თუმცა, მზად ვართ ვიბრძოლოთ. ვიბრძოლოთ უკეთესი მომავლისთვის. როცა აქ წამოსვლა გადავწყვიტე, ბარიერებიც ბევრი იყო. ურეკავდნენ ჩემს მშობლებს, ახლობლებს, მეც პირადად და “კეთილ რჩევას” მაძლევდნენ, რომ არ წამოვსულიყავი. იყო მუქარებიც _ რომ შემექმენებოდა პრობლემები. ჩამოსვლისთანავე შევნიშნე ადევნებული მანქანები, რომლებიღთაც სუსის თანამშრომლები გადაადგილდებიან, თუმცა, ეს ყველაფერი ვერ შემაშინებს. ზუსტად ვიცი სადაც ვდგევარ და რის გამოც. შესაბამისად, ჩემს მეგობრებთან ერთად მზად ვარ ბრძოლისთვის და ვაპირებთ, თითეული ხმა დავიცვათ ყველაფრის ფასად, _ გვითხრა ვლადიმერ ჟღენტმა, რომელიც “ნაციონალური მოძრაობის” წევრია და როგორც ავღნიშნეთ, დიდი ხანია ქვეყნის დემოკრატიულ რელსებზე დაბრუნების ბრძოლაში აქტიურადაა ჩართული.
მიხეილ რამიშვილთან და ვლადიმერ ჟღენტთან ერთად გურიაში, საარჩევნო მარათონში ჩართვა გადაწყვიტა ნინო ლეჟავამაც:
_ მანუჩარი არის ადამიანი, რომელმაც ჩვენს ქვეყანას არაერთი გამარჯვება მოუტანა და დარწმუნებული ვარ, გურიასაც ბევრ წარმატებას მოუტანს. თბილისიდა საკმაოდ დიდი ჯგუფი ჩამოვედით და მიუხედავად იმისა, რომ უკვე დაიწყო დაშნებებები, ზეწოლები, ჩვენ დანებებას არ ვაპირებთ და ჩვენი ქვეყნის, ჩვენი რეგიონის უკეთესი მომავლისთვის ბრძოლაში ჩასაბმელად მზად ვართ, _ აღნიშნა ლეჟავამ.
მსგავსი სტატიები:
“ყოველ დღე რომ გღობავენ, ის ვერ გაგიპროტესტებია და სტალინის მიქარულს გამოასწორებ?”
“ეს განცხადება პრეზიდენტის კი არა, ტყვეებით მოვაჭრის ტექსტი იყო”
„მძიმე იყო ზურაბიშვილთან მისი ხილვა,“ – დეკანოიძე სამადაშვილზე
“სუს-ტემა უნდა დაინგრეს” – 30 ნოემბერს სუს-თან აქცია ჩაინიშნა
იოზვიაკი: ვფიქრობ, ევროკავშირში არის საქართველოთი ე.წ. დაღლა, სტრატეგიული პაუზაა
თბილისში უკრაინის მხარდამჭერი აქცია-პერფორმანსი გაიმართა
ირაკლი კობახიძე – არც ISFED-ის და არც მსგავსი ორგანიზაციების ადგილი საპარლამენტო სამუშაო ჯგუფებში არ არის
“ამ ევროკავშირის კანდიდატობა….ჭირი გაგვიხდა“ – მეუფე იაკობი
