“შეაგინე ბერას” – Facebook-ზე მთავრობის ადმინისტრაციასთან, მორიგი აქცია დაიგეგმა.
როგორც ღონისძიების ანონსში წერია, აქცია ხვალ, 18:00-დან 19:00-მდე გაიმართება. ფარული აუდიოჩანაწერის შინაარსმა საზოგადოებაში პროტესტი გამოიწვია და მთავრობის ადმინისტრაციასთან კიდევ ერთი აქცია დაიგეგმა. აქცია “გამოდი ღირსებისთვის” კანცელარიასთან 9 მარტს გაიმართება.
ცნობისთვის, ტვ პირველის მიერ ფარული ჩანაწერის გავრცელების შემდეგ, სამოქალაქო აქტივისტებმა აქცია ქართული ოცნების ოფისთან გამართეს, რის შემდეგაც მსვლელობით მთავრობის ადმინისტრაციასთან გადაინაცვლეს. აქციის მონაწილეებმა ადგილზე პლაკატები მიიტანეს წარწერებით: “არ შეგარჩენთ მოპარულ არჩევნებს”, “ბერა + ირაკლი = ძალადობას!”, “ივანიშვილის მაფიოზური ოჯახი”, “BERA მოძალადე ტიკ-ტოკერი“ და სხვა.
ტვ პირველის გადაცემაში ნოდარ მელაძის შაბათი, სავარაუდო სატელეფონო საუბრის ჩანაწერი გავრცელდა, რომლის მიხედვითაც, ქართული ოცნების ყოფილი თავმჯდომარის, ბიძინა ივანიშვილის ვაჟი ბერა და ქვეყნის მოქმედი პრემიერმინისტრი, ირაკლი ღარიბაშვილი Facebook-კომენტარის გამო სკოლის მოსწავლეზე განხორციელებულ ძალადობრივ ანგარიშსწორებას განიხილავენ.
ჩანაწერი მოიცავს კიდევ რამდენიმე საუბარს ბერა ივანიშვილსა და ღარიბაშვილს შორის, რომელშიც მონაწილეები ბერას შეურაცხყოფის გამო მსგავსი ანგარიშსწორების რამდენიმე შემთხვევას იხსენებენ და განიხილავენ.
მსგავსი სტატიები:
“ხელისუფლების ბრალია, არჩევნების წინ ევაჭრებიან ადგილობრივ მუსლიმებს”
კალანდა გურიაში – ეთნოგრაფ სერგი მაკალათიას მოგონებებიდან
“ივანიშვილი აფინანსებდა ტრამპს“-მიხეილ სააკაშვილი
ლანჩხუთში მოსწავლეებმა “სოციალური მაცივარი” დადგეს
გიგანტური ვარსკვლავი იდუმალმა „დიდმა, მუქმა და წაგრძელებულმა“ ობიექტმა დააბნელა
იგეგმება მილიონობით დოზა Johnson & Johnson-ის ვაქცინის განადგურება
სკოლის ფსიქოლოგის ანაზღაურება 1300 ლარი იქნება – ვაკანსიებს მანდატურის სამსახური აცხადებს
“უახლოეს მომავალში გვექნება ვაქცინების ძალიან ფართო ასორტიმენტი, იგეგმება მასობრივი ვაქცინაციის დაწყება”