შინაგან საქმეთა სამინისტროს განცხადებით, ოზურგეთში, 14 წლის ასაკს მიუღწეველი ოჯახის წევრის მიმართ ჩადენილი სექსუალური ხასიათის სხვაგვარი ქმედების ბრალდებით 1991 წელს დაბადებული დ.მ. დაკავეს.
“გამოძიებით დადგინდა, რომ ბრალდებულმა არარეგისტრირებულ ქორწინებაში მყოფი მეუღლის არასრულწლოვანი შვილის – 2010 წელს დაბადებული ნ.გ.-ს მიმართ სექსუალური ხასიათის სხვაგვარი ქმედება ჩაიდინა. ასევე დადგინდა, რომ დ.მ. აღნიშნულ ქმედებას თავისი არასრულწლოვანი გერის მიმართ სისტემატურად ახორციელებდა“, – წერია უწყების განცხადებაში.
მამინაცვლის მხრიდან არასრულწლოვანი გერის მიმართ სექსუალური ხასიათის დანაშაულებრივი ქმედების შესახებ შეტყობინების მიღებისთანავე ოზურგეთის პოლიციის რაიონულ სამმართველოში დაუყოვნებლივ დაიწყო გამოძიება და სამართალდამცველებმა დ.მ. ბრალდებულის სახით დააკავეს.
გამოძიება საქართველოს სსკ-ის 11 პრიმა 138-ე მუხლის მე-2 ნაწილის „ვ“ და მე-4 ნაწილის „ა“ ქვეპუნქტებით მიმდინარეობს, რაც წინასწარი შეცნობით თოთხმეტი წლის ასაკს მიუღწეველი ოჯახის წევრის მიმართ ჩადენილი სექსუალური ხასიათის სხვაგვარ ქმედებას გულისხმობს.
დანაშაული 15-დან 20 წლამდე ვადით თავისუფლების აღკვეთას ითვალისწინებს.
მსგავსი სტატიები:
განსაკუთრებული სისასტიკით ჩადენილი მკვლელობა-ვინ მოკლა 55 წლის მამაკაცი ოზურგეთში
რა გამოიძია შსს-მ ნატანებში მომხდარ მკვლელობასთან დაკავშირებით?
რა თანხა წაიღო თავდამსხმელმა სუპერმარკეტიდან- ახალი დეტალები
დმანისის დაპირისპირებაში მონაწილე პირების გამოკითხვა პოლიციაში მთელი ღამის განმავლობაში მიმდინარეობდა და ამ დრომდე გრძელდება
ვინ არის ოზურგეთში დაჭრილი ახალგაზრდა-მომხდარის დეტალები
მკვლელობა და დაჭრა ზუგდიდში
ექსკლუზივი-ძალადობაში ეჭვმიტანილი პედაგოგი დაკავებამდე გაიტაცეს და ცემეს
ბერძნულ-რომაულ ჭიდაობაში მსოფლიო ჩემპიონი ნუგზარ წურწუმია და ასევე მოჭიდავე ნიკა ყორშია დააკავეს