ევროკავშირის ფიასკო და ბრიტანელებზე „შურისძიება“,– ზურაბ გურული AstraZeneca-ს ირგვლივ არსებულ სკანდალზე

დიდი ალბათობით, ასტრაზენეკასთან დაკავშირებული აურზაური ევროკავშირის გერმანო-ფრანგულ პოლიტიკურ ანგარიშსწორებას წარმოადგენს „განდგომილი“ ბრიტანეთის მიმართ, – ასე ხსნის ამერიკაში მცხოვრები ქართველი ექიმი ზურაბ გურული “ასტრაზენეკას” ვაქცინის ირგვლივ არსებულ სკანდალს.

 

ზურაბ გურულის განმარტებით, ევროკავშირმა ამერიკისა და დიდი ბრიტანეთისგან განსხვავებით, ვერც ვაქცინის განვიტარება შეძლო და ვერც დროული ყიდვა და ვაქცინაციის პროცესის დაწყება.

 

“ძალიან დიდი აღშფოთება გამოიწვია ჩემმა დღევანდელმა ლოგიკურმა სპეკულაციამ იმის შესახებ, რომ დიდი ალბათობით, ასტრაზენეკასთან დაკავშირებული აურზაური ევროკავშირის გერმანო-ფრანგულ პოლიტიკურ ანგარიშსწორებას წარმოადგენს „განდგომილი“ ბრიტანეთის მიმართ. განსაკუთრებით განაწყენებული ქართველი გერმანელები დარჩნენ. ჩემი მსჯელობა უსაფუძვლო და თითიდან გამოწოვილი არ ყოფილა; ფაქტებს ემყარება. ფაქტებს, რომლებსაც მოძიება და ერთად ლოგიკური დალაგება სჭირდება. შევეცადე სწორედ გერმანულ წყაროებზე დაყრდნობით დამეწერა ეს სტატუსი, რათა პრიმიტიული ანტიგერმანული განწყობა არ დამბრალდეს.

 

Wolfgang Münchau ცნობილი გერმანელი ჟურნალისტია. ის „Financial Times“ -ის ასოცირებული რედაქტორია და ყოველკვირეულ მიმოხილვით სტატიებს წერს ევროკავშირისა და ევროპული ეკონომიკის შესახებ.

 

„ჩვენი ყველაზე უარესი პოლიტიკური შეცდომა“ – ასე ერქვა მიმოხილვას, რომელიც მან 23 იანვარს გამოაქვეყნა. „ვაქცინების შესყიდვასთან დაკავშირებული კატასტროფული პოლიტიკით ევროკავშირმა დაუშვა გადამწყვეტი შეცდომა: მათ რაციონალური მიზეზი მისცეს ადამიანებს, წინ აღდგომოდნენ ევროპულ ინტეგრაციას.“

 

კორონა-პანდემიამ ბევრი პოლიტიკური „თავი“ გააგორა და იმსხვერპლა. ეს ბუნებრივი იყო. პანდემია ომია და ომს ძალიან კომპლექსური პოლიტიკურ-ეკონომიკური მიდგომა სჭირდება. ამერიკამ პრეზიდენტ ტრამპის ხელმძღვანელობით ბრწყინვალედ იმუშავა როგორც ვაქცინების გასავითარებლად, ასევე მისი ბიუროკრატიული მხარის ეფექტურად, უმოკლეს ვადებში მოსაგვარებლად. „ზოზინა, ბებერი კუ“ – ასე უწოდა FDA-ს ტრამპმა, უჩვეულოდ სწრაფად „დაფაცურდა“ და გზა გაუხსნა პფაიზერისა და მოდერნას ვაქცინის ოფიციალურ აღიარებას. კორონას საწინააღმდეგო ვაქცინების განვითარების ისტორია სპეციალურ სტატიას იმსახურებს, რადგან ეს იყო მსოფლიოს ისტორიაში ერთერთი ყველაზე წარმატებული სახელმწიფო „გემბლინგი“, როდესაც დაახლოებით 2 მილიარდიანი ფსონით წახალისებულმა კერძო კომპანიებმა უმოკლეს დროში მოახერხეს უახლესი ტექნოლოგიების ეფექტურად ამუშავება და თვეების განმავლობაში შეძლეს შთამბეჭდავი „იარაღის“ შექმნა. ოპერაცია „კოსმოსური სისწრაფე“ ბრწყინვალე გამარჯვებით დასრულდა.

 

რას აკეთებდა ამ დროს ევროკავშირი? ამერიკის სრულყოფილმა საპირწონე ფინანსურმა მონსტრმა არათუ ვაქცინების განვითარება ვერ შეძლო, (მაშინ როდესაც ამას თავისუფლად გაუმკლავდა რუსეთი), არამედ გამზადებული ვაქცინების დროული დაბევება და შესყიდვაც ვერ მოახერხა; რადგან როგორც ბატონი ვოლფგანგი მოხდენილად აღნიშნავს, ევროკავშირს ჰიპოთეტურადაც კი არ გააჩნია ამერიკული პრინციპი: Whatever it takes! ( რადაც არ უნდა დაჯდეს!) და ვაქცინების მწარმოებელ კომპანიებს „ცენტებზე“ ევაჭრა უკანასკნელი წუწურაქივით.

 

„ტრიანგულაცია ბრიუსელის, გერმანიისა და საფრანგეთის ეკონომიკურ ინტერესებს შორის – ეს არის ის, რითაც სულდგმულობს ევროკავშირი“ – ესეც ჰერ ვოლფგანგის შეფასება გახლავთ.

 

ეს არ იყო უბრალო შეცდომა. ამ შეცდომის მიღმა მილიონობით ადამიანის დაკარგული სიცოცხლე და ჯანმრთელობა დგას. ასეთ შეცდომებს მარტო თანამდებობიდან გადადგომა არ მოჰყვება ხოლმე, უფრო სერიოზული შედეგები ექნება. და ევროკავშირის ამ კატასტროფული ფიასკოს ფონზე „განდგომილი“ ბრიტანეთი თავისი ვაქცინით ფრიად სოლიდურად გამოიყურება და კიდევ ერთხელ ადასტურებს, ამჟამად ემპირიულად, რომ დროულად ჩამოსცილდა ევროკავშირის ბიუროკრატიულ მონსტრს და ამით მილიონობით საკუთარი მოქალაქის სიცოცხლე გადაარჩინა.

 

აი ეს გახლავთ მოკლედ იმ პოლიტიკური სიტუაციის მიმოხილვა, რომელიც ფონად დაედო ასტრა-ზენეკასთან დაკავშირებულ „სამედიცინო“ კრიზისს. ვინაიდან გრძელ სტატუსებს ქართველი მკითხველი დიდად არ სწყალობს, დანარჩენს შემდგომ სტატიებში განვავრცობ.”, – წერს ზურაბ გურული

გააზიარეთ და მოიწონეთ სტატია:

მსგავსი სტატიები

  • 99
    "როცა შეზღუდვები ინტელექტს დასცინის..."გონიერ ადამიანებში ამბოხის დაუძლეველი სურვილი განსაკუთრებით მაშინ იღვიძებს, როდესაც ბრძანების შესრულება მის ინტელექტუალურ შეურაცხყოფას იწვევს. გამონაკლისი არც კოვიდ-პანდემიის პერიოდი ყოფილა. მსოფლიოს ეპიდემიოლოგიური კასტის მიერ შემოღებულმა ურთიერთგამომრიცხავმა, ხშირად სრულიად დაუსაბუთებელმა და სულელურმა შეზღუდვებმა არაერთი პასიური თუ აქტიური პროტესტი გამოიწვია. ეს შეზღუდვები მრავალი მიზეზით იყო გაპირობებული; ძირითადათ გაურკვევლობითა და ვირუსის ბუნების არასრულყოფილი…
    Tags: და, არ, საზოგადოება, მთავარი, თემა, ახალი, ამბები
  • 99
    "რაც თავი მახსოვს და კითხვა ვიცი, დედაჩემი წერილებს მწერდა""რაც თავი მახსოვს და კითხვა ვიცი: დედაჩემი წერილებს მწერდა. აი, ისე, როგორც სადღაც ვლადივოსტკოში, ჯარში წასულ შვილებს წერდნენ. ისე, მაგრამ არა ისეთს. იწყებოდა კონკრეტული ამბით – ,,ქათმები შუუშვი საკარიაში’’ და გრძელდებოდა ზოგადით – ,,რამე შუუშვი თავში, ნახე, გივიეს ბაღნები რაფერი მაცადინები არიენ, შენ ბურთს დაზდევ მთელი დღეი და მოგვსპე ცოცხლათ…
    Tags: და, ეს, საზოგადოება, მთავარი, თემა, ახალი, ამბები
  • 98
    მსოფლიო პატრიარქმა ბართლომეოსმა საშობაო ეპისტოლე ქართულადაც გამოაქვეყნაკონსტანტინოპოლის მთავარეპისკოპოსმა, მსოფლიო პატრიარქმა ბართლომეოსმა საშობაო ეპისტოლე სხვადასხვა ენაზე, მათ შორის, ქართულად გამოაქვეყნა. მსოფლიო პატრიარქის საშობაო ეპისტოლეს ქართულ ტექსტს მსოფლიო საპატრიარქო ავრცელებს. „ეკლესიას სისავსეს: მადლი, წყალობა და მშვიდობა ბეთლემში შობილი იესო ქრისტესი * * * ქრისტეში ყოვლად ღირსეულნო ძმანო და საყვარელნო შვილნო, ვმოგზაურობთ ყოვლადწმინდა ქალწულთან ერთად, და მადლიერების გრძნობით გამსჭვალულნი, მოუთმენლად…
    Tags: და, საზოგადოება, მთავარი, თემა, ახალი, ამბები
  • 98
    პატრიარქის სააღდგომო ეპისტოლესაქართველოს საპატრიარქო პატრიარქ ილია მეორის სააღდგომო ეპისტოლეს აქვეყნებს, რომელსაც "გურიის მოამბე" სრულად გთავაზობთ: "ყოვლადსამღვდელონო მღვდელმთავარნო, ღირსნო მოძღვარნო, დიაკონნო, ბერ-მონოზონნო, ხელისუფალნო, საქართველოს წმინდა მართლმადიდებელი ეკლესიის ყოველნო წევრნო, მკვიდრნო ივერიისა და ჩვენი ქვეყნის საზღვრებს გარეთ მცხოვრებნო თანამემამამულენო,   ქრისტე აღდგა!   „არა ყველა, ვინც მეტყვის მე: უფალო, უფალო ! – შევა ცათა…
    Tags: და, საზოგადოება, მთავარი, თემა, ახალი, ამბები