ჯანდაცვის მინისტრის მოადგილის, თამარ გაბუნიას განმარტებით, ყველა დარეგისტრირებულ ექიმს ჯავშანი შეეცვლება და ისინი ვაქცინაციისთვის მრავალპროფილურ კლინიკებში გადანაწილდებიან. ამის შესახებ თამარ გაბუნიამ ჯანდაცვის სამინისტროში ბრიფინგზე განაცხადა.
„ყველა ის ჯავშანი, რომლებიც ჩვენს კოლეგებს ჰქონდათ გაკეთებული ამბოლატორიულ დაწესებულებებში, დღეს შეიცვალა და მათი გადანაწილება მოხდება მრავალპროფილურ კლინიკებში, 40 ასეთი დაწესებულება, რომელსაც აქვს რეანიმაციული განყოფილება და უზრუნველყოფილია ანაფილაქსიური რეაქციისთვის. სამწუხაროდ, ანაფილაქსიური შემთხვევები ქვეყანაში ყოველწლიურად ფიქსირდება. გასულ წელს ანაფილაქსიის 2 შემთხვევაა აღწერილი. ძალიან სამწუხაროა, რომ ეს შემთხვევა დაემთხვა ვაქცინაციის პროცესს და ჩვენ გვესმის, რომ ეს საზოგადოებაში კიდევ უფრო მეტ შიშს გამოიწვევს. ჩვენ ვეცდებით, რომ მოსახლეობამ დაიბრუნოს რწმენა ვაქცინაციასთან დაკავშირებით“,- განაცხადა თამარ გაბუნიამ.
შეგახსნებთ, 27 წლის ექთანი, რომელსაც გუშინ, -„ასტრაზენეკას“ ვაქცინის გაკეთების შემდეგ სავარაუდოდ, გვერდითი რეაქცია – ანაფილაქსიური შოკი დაუდასტურდა, გარდაიცვალა.
გუშინვე, ცნობილი გახდა, რომ საქართველო „ასტრაზენეკათი“ ვაქცინაციას გააგრძელებს. გადაწყვეტილება ექსპერტთა ჯგუფმა ჯანდაცვის სამინისტროში გამართული შეხვედრის შემდეგ მიიღო.
მსგავსი სტატიები:
ეკა ხოფერიამ აფხაზეთიდან დევნილი მხატვრები შენობიდან გამოაძევა
სასამართლოში ირაკლი ოქრუაშვილის საქმის წარმოება განახლდა
“ამდენი ბოროტი, ბრიყვი, ხარბი და გაუმაძღარი მოღალატე რატომ არის ჩემს სამშობლოში?!”
“ნებისმიერ საქმეს მაღალ დონეზე გაუძღვება”- კახაძე წულუკიანზე
ახლადგამოჩეკილი ლიდერი ვაჟკაცობს, რომ კანონს არ შეასრულებს- ყაველაშვილი მელიაზე
მამუკა გამყრელიძე – ერთი მხრიდან ლანძღვა, მეორე მხრიდან დიდება
გვარამია-ეს სახელმწიფო არაა
მშვილდაძე ოცნების ამომრჩეველს: თქვენ უნდა დაგაკისროთ ხარკი, ბეგარა და ღალა