ამის შესახებ პარლამენტის პირველმა ვიცე-სპიკერმა, გია ვოლსკიმ ჟურნალისტებთან საუბრისას განაცხადა და აღნიშნა, რომ ზუგდიდში ჩატარებულ სპეცოპერაციას შინაგან საქმეთა მინისტრმა, ვახტანგ გომელაურმა კარგად უხელმძღვანელა.
„შავზე რომ თეთრი თქვან და პირიქით, ეს ჩვეულებრივი ამბავია, მაგრამ არც იმას გამოვრიცხავ, რომ გარკვეული პოლიტიკურად შეფუთული ბანდიტობები, ტერორისტული აქტები ხდება. ის, რომ ასეთ რამეს არ გამოვრიცხავ, იმას არ ნიშნავს, რომ ვამტკიცებ, ეს ასეა. სამწუხაროდ, დანაშაული მხოლოდ საქართველოში არ ხდება. ფაქტია, ამოცანას, რომ მოქალაქე არ დაშავებულიყო, პოლიციამ თავი გაართვა. ვახტანგ გომელაურმა ამ ოპერაციას საკმაოდ კარგად უხელმძღვანელა. ნებისმიერი დანაშაული აღკვეთილი იქნება.
რაც შეეხება დანაშაულის სტატისტიკას, რაზეც ოპოზიცია და მათი მედია აფეთქდა, მძიმე დანაშაულების რაოდენობა, მათ შორის ყაჩაღობა, ორ-ნახევარჯერ არის შემცირებული იმ პერიოდთან შედარებით, როცა ქვეყანას დღევანდელი ოპოზიციის წარმომადგენლები მართავდნენ. მნიშვნელოვნად არის გაზრდილი გახსნილი საქმეების რაოდენობა და ერთი ასად არის გაზრდილი გაშუქების ხარისხიც. ადრე ოთხი-ხუთი მედია საშუალება იყო და ისიც ცენტრალურ ხელისუფლებას ექვემდებარებოდა. ამ თემიდან პოლიტიკური დივიდენდის მიღება უზნეობაა, რადგან ვხედავთ, რომ უამრავი პოლიტიკური სვავი ხეზე შემომჯდარი ელოდება, სისხლი როდის დაიღვრება, რომ დაეწაფოს და როგორმე განავითაროს თავისი პოლიტიკური მიზნები”, – განაცხადა ვოლსკიმ.
მსგავსი სტატიები:
“ბერმა, ორი უდანაშაულო ადამიანი ციხეში ჩასვა, ღმერთო, ასე შორს, როგორ გაგაძევეს “საკუთარმა ჯარისკაცებმა” ?”
ნინო წილოსანმა შვილი ლონდონის სამეფო კოლეჯში სასწავლებლად გაგზავნა
მეუფე მელქისედეკი ივერი მელაშვილსა და ნატალია ილიჩოვას ბოდიშს უხდის
გია ხუხაშვილი – „ათენში სააკაშვილზე თავდასხმით „ოცნებამ“ მას რეიტინგი აუწია“
ყველა შეზღუდვა, რომელიც დღეიდან მოიხსნა
“საგიჟეთში მომხდარი ამბები” -ეს საქართველოა
ვიმედოვნებ, ნიკა მელიას გათავისუფლება დროულად მოხდება – კუბილიუსი
“ეს ხელისუფლება დღესვე, რამდენიმე საათში უნდა გამოვიდეს და გადადგეს”