ლანჩხუთში მუსიკალური სკოლის 6 პედაგოგს კორონავირუსი დაუდასტურდა

ლანჩხუთის მუნიციპალიტეტში დაბა ნატანებში, სუფსის მუსიკალური სკოლის 6 პედაგოგს, კორონავირუსი დაუდასტურდა.

ამის შესახებ ინფორმაცია „გურიის მოამბეს“ ლანჩხუთის საზოგადოებრივი ჯანდაცვის  ცენტრის ხელმძღვანელმა, ნატო მენაღარიშვილმა მიაწოდა.

„ ინფიცირებული გვყავს სუფსის მუსიკალური სკოლის 6 პედაგოგი. თავდაპირველად ვირუსი ერთ-ერთ მათგანს გაუდასტურდა და როგორც ჩანს, მისგან მოხდა სხვა თანამშრომლების ინფიცირება. აღნიშნული ეპიდსიტუაციის გამო, სკოლამ ფუნქციონირება შეაჩერა.“ გვითხრა მენაღარიშვილმა.

შეგახსენებთ, გურიის რეგიონში, ბოლო 24 საათში კორონავირუსის 53 შემთხვევა დადასტურდა.

 

გააზიარეთ და მოიწონეთ სტატია: