“თუ ბოლომდე შეტოპავენ, მათი ცხოვრება პოლიტიკურ ჯოჯოხეთად იქცევა” – ბოკერია

თუ შეტოპავენ ბოლომდე, მერე პოლიტიკურ ჯოჯოხეთად იქცევა მათი ცხოვრება, განსაკუთრებით ოლიგარქისთვის, – ამის შესახებ „ევროპული საქართველოს“ ერთ-ერთმა ლიდერმა, გიგა ბოკერიამ „პალიტრანიუსის“ გადაცემა „ნიუსრუმში“ ხელისუფლებასა და ოპოზიციას შორის მოლაპარაკებებზე საუბრისას განაცხადა.

როგორც ბოკერიამ აღნიშნა, ის კრისტიან დანიელსონის ხელმეორედ ვიზიტთან დაკავშირებით იმედიანადაა განყობილი.

„მე ყოველთვის იმედიანად ვარ განწყობილი, ოღონდ იმედიანობა გულისხმობს იმას, რომ ვიყოთ მყარი იმაში, რაშიც სიმყარე არის აუცილებელი. იმედიანად ვარ იმიტომ, რომ ვთვლი, ამ ქვეყანაში ავტორიტარულ რეჟიმებს არ გაუვა არასდროს. იმედიანად ვარ იმიტომ, რომ სენატის მოსმენაც მაგალითი იყო იმისა, რომ ივანიშვილის რეჟიმის ამდენწლიანი მავნებლობის მიუხედავად, რომ ყურადღება დაცემულიყო საქართველოს მიმართ, საქართველოს დიდი ხნის მეგობრებს – სენატორ რიშს და სენატორ შაჰინს მაინც აქვთ პოლიტიკური ინტერესი, მორალური და პრაგმატული პოზიცია და ეს არის ფაქტორი ოლიგრაქისთვისაც. თუ შეტოპავენ ბოლომდე, მერე პოლიტიკურ ჯოჯოხეთად იქცევა მათი ცხოვრება და განსაკუთრებით ოლიგარქისთვის. ამას მე არ ვიძახი არც ნიშნის მოგებით, ბრაზი არ მაქვს გულში, უბრალოდ პრაგმატულად ვუყურებ და ამ ქვეყნისთვის საჭირო და სასურველია, რომ საფრთხის გაცნობიერებით, არ შეტოპოს და არ გადაგვჩეხოს. ამას სჭირდება გონივრული შეთანხმება სწორედ იმ პუნქტებზე, რაც პრეზიდენტმა მიშელმა დადო“, – განაცხადა ბოკერიამ.

მისივე განცხადებით, აუცილებელია, რომ ხელისუფლება მშვიდობიანად შეიცვალოს.

„ყველა დღე, ვიდრე ეს ხელისუფლებაა და ასე იქცევა კოვიდზე, ეკონომიკაზე, არის დამანგრეველი, მაგრამ კრიზისი დამატებით კიდევ ერთ ფაქტორია. დროშიც სჯობს, რომ სწრაფად გაიხსნას ეს კვანძი, სწრაფად ჩატარდეს ვადამდელი არჩევნები და სწრაფად და მშვიდობიანად მოვიცილოთ ეს ხელისუფლება. ეს ძალიან მნიშვნელოვანი ფაქტორია, მაგრამ ჩვენი ამოცანის გამო მათი მძევლები არ ვიქნებით. ჩვენ გვინდა და ქვეყანას სჭირდება ამ ხელისუფლების მშვიდობიანად ჩამოშორება, მეორე მშვიდობიანი შეცვლა უნდა მოხდეს ხელისუფლების, ოღონდ ამჯერად არა ერთი ძალის მეორის აბსოლუტური ძალაუფლებით ჩანაცვლება, არამედ პროპორციული სისტემით და ისეთ მთავრობით, სადაც გამაწონასწორებელი იქნება, მაგრამ თუ ამას არ დაუშვებს ეს რეჟიმი და ბოლომდე შეტოპავს, მაშინ მას ელის ძალიან დიდი რისკები და ჩვენ, როგორც საზოგადოება არ შეიძლება, რომ ამას შევეგუოთ“, – განაცხადა ბოკერიამ.

გააზიარეთ და მოიწონეთ სტატია:

მსგავსი სტატიები:

ქართველო ანტივაქსერებო, “ოცნება” თქვენისთანების ოცნებებს ასრულებს – ნინო ჯანგირაშვილი პირველი იანვრიდან პენსია 20 ლარით იზრდება ჩვენ კი არ აგვიყირავა ხელისუფლებამ მაგიდა, აუყირავა მედიატორებს – ჩარკვიანი ოცნება წარმატებული გუნდია, აწი თუ შემოგვემატება წევრები, თორემ არავინ წავა მედიაციის პირველმა ეტაპმა იმედგაცრუება გამოიწვია – კარლ ჰარცელი ვასაძე პოლიტიკაში მოსვლაზე-“მხოლოდ ქვეყანაზე დარდმა, მისმა სიყვარულმა გამაკეთებინა ეს” უცნობი ნინოწმინდაზე: ეს სიტუაცია იმიტომ მივიღეთ, რომ უნდობლობაა გარკვეული ტელევიზიებისა და ომბუდსმენის მიმართ “ჭკუაზე მოდით, გონს მოეგეთ, ნუ ეთამაშებით ცეცხლს, თორე ისეთი რამე დაგემართებათ, ვერც კი წარმოგიდგენიათ”