ოზურგეთში საზაფხულო კინოთეატრი მოეწყობა

ოზურგეთის ძველი კინოთეატრის ტერიტორიაზე, სამომავლოდ საზაფხულო კინოთეატრი მოეწყობა და ახალგაზრდებისთვის თავშეყრის ადგილი გახდება.

ამჟამად, აღნიშნულ მონაკვეთზე, სარეაბილიტაციო სამუშაოები სრულდება, რომელსაც ოზურგეთის მერი, კონსტანტინე შარაშენიძე ადგილზე გაეცნო.

გაწმენდით სამუშაოებს, ა.(ა).ი.პ. „ოზურგეთის მუნიციპალური მომსახურების ცენტრის“ თანამშრომლები ასრულებს.

პანდემიის რეგულაციებიდან გამომდინარე, დახურულ სივრცეში აკრძალულია შეხვედრები, შესაბამისად, სამომავლოდ საზაფხულო ღია კინოთეატრის სივრცეში, ნებისმიერი ახალგაზრდული აქტივობის განხორციელება იქნება შესაძლებელი.

დაგეგმილია საპროექტო-სახარჯთაღრიცხვო დოკუმენტის მომზადება და შესაბამისი თანამედროვე აპარატურის შეძენა.

გააზიარეთ და მოიწონეთ სტატია:
Pin Share