როგორ აფასებს რუსული არხი Дождь-ის მთავარი რედაქტორი პოზნერის ვიზიტს

(ტაბულა) თბილისში ვლადიმირ პოზნერის ვიზიტს რუსული არხი Дождь-ის მთავარი რედაქტორი, ტიხონ ძიადკო, სოციალურ ქსელ Facebook-ზე გამოეხმაურა. პოზნერის ვიზიტის დღეს ძიადკოც, თავის ოჯახთან ერთად, თბილისში იმყოფებოდა, როგორც ტურისტი.

“გუშინ აეროპორტში გადაღებული ფოტო გამოვაქვეყნე და დავწერე, რომ თბილისში მივფრინავდით, დღეს კი რამდენიმე კითხვა მივიღე, მივფრინავდით თუ არა “იმ რეისით”, ვლადიმირ პოზნერთან ერთად და ვიყავით თუ არა მისი წვეულების სტუმრები. [მასთან ერთად] არ მივფრინავდით. ჩვენ ვნუკოვოს აეროპორტიდან ერევანში ჩავფრინდით, იქიდან კი თბილისში. გაგვიკვირდა, როდესაც აეროპორტის განრიგში თბილისში მიმავალი პირდაპირი რეისი დავინახეთ. პირდაპირი რეისები უკვე თითქმის 2 წელია, რაც აღარ არის. თუ ხალხს ჩარტერული რეისისთვის ფულის გადახდა შეუძლიათ, ძალიან კარგი, მეც ასე ვიზამდი, რომ შემეძლოს. მაგრამ, რაც შემდეგ მოხდა, რბილად რომ ვთქვა, მიუღებელია. თუკი ვინმემ არ იცის, თბილისში ცხრა საათიდან კომენდანტის საათი იწყება. ეს ნიშნავს რომ ყველაფერი დახურულია, ადამიანები და მანქანები ქუჩებში თითქმის არ დადიან, მაღაზიები, რესტორნები, აფთიაქები და ყველაფერი სხვა, დახურულია. დარღვევისთვის 600-დოლარიანი ჯარიმაა. გამონაკლისი მხოლოდ მათთვის არსებობს, ვისაც სპეციალური საშვი აქვს. ეს ადამიანთა არც თუ ისე დიდი ჯგუფია, ისე კი არაა, გაზაფხულზე მოსკოვში როგორც იყო. ხალხი ამით ძალიან დაიღალა, ამ შეზღუდვებზე დამოკიდებულად ყოფნა ძალიან ძნელია. და აი ამ ფონზე, თბილისში წვეულებისთვის ეშვება ჩარტერული რეისი.

როგორც ჰყვებიან, მოვლენები ასე განვითარდა. თვითმფრინავი დაახლოებით რვა საათზე ეშვება. ყველა სტუმარს ღონისძიების ერთ-ერთი მონაწილე, მთავრობის დახმარებით, საშვებს უკეთებს. ყველა მათგანი ავტობუსით სასტუმრო სტამბაში მიჰყავთ. აქედან, როცა უკვე კომენდანტის საათი იწყება, ისინი სასტუმრო Vinotel-ში მიჰყავთ სავახშმოდ, თანაც, მათ პროცესიას წინ პოლიციის მანქანა მიუძღვის მოციმციმე შუქებით. აქ უკვე ის ხდება, რაც მოხდა – მიტინგი, კვერცხების სროლა და გინება. რა თქმა უნდა, ადამიანებისთვის კვერცხების დაშენა და გინება არც თუ ისე კარგი რამეა. მაგრამ საკუთარი განცხადებით აფხაზეთის შესახებ ქვეყნის ეროვნულ ტრაგედიაზე შეხება, შემდეგ კი ამ ქვეყანაში ისე ჩასვლა, თითქოს არაფერი მომხდარა, ბევრად უფრო უარესია. მზად უნდა იყო იმისთვის, რომ საზოგადოების ნაწილი ამ საკითხის მიმართ საკუთარ დამოკიდებულებას გამოხატავს, მხოლოდ იმიტომ, რომ საქართველოსთვის ეს ისტორია ეხება ათასობით დაღუპულსა და 250 ათას დევნილს. შენი ვიზიტის ასეთი სახით მოწყობა კი, ისე გამოდის, თითქოს დიდი ქვეყნიდან პოლიციის დახმარებით კოლონიზატორები ჩამოვიდნენ, რათა კარგი დრო ატარონ, სანამ აბორიგენები სახლში სხედან და მაღაზიაში გასვლაც არ შეუძლიათ. ეს უკვე უბრალოდ ცუდი რამ კი არა, ძალიან სამარცხვინო ისტორიაა”. – დაწერა Facebook-ზე Дождь-ის მთავარმა რედაქტორმა ტიხონ ძიადკომ.

გააზიარეთ და მოიწონეთ სტატია:

მსგავსი სტატიები

  • 90
    "მეორე მხარესაც აქვთ ასეთი რუკები"- ინტერვიუ ივერი მელაშვილთანაზერბაიჯანთან საზღვრის დადგენის საქმეზე დაკავებული ივერი მელაშვილი და ნატალია ილიჩოვა გირაოს სანაცვლოდ გაათავისუფლეს. სასამართლო პროცესი გრძელდება და მხარეები ამ ეტაპზე მტკიცებულებების დასაშვებობას განიხილავენ. საგარეო საქმეთა სამინისტროს სახელმწიფო საზღვრის დელიმიტაციის, დემარკაციის და სასაზღვრო ურთიერთობათა სამსახურის ყოფილი უფროსი, ივერი მელაშვილი უარყოფს, რომ საქართველოს ინტერესების საზიანოდ მოქმედებდა. მისი შეფასებით, ბრალი შეთხზულია, ხოლო კარტოგრაფების…
    Tags: და, რომ, არ, ეს, ამ, იყო, მთავარი, თემა, ახალი, ამბები
  • 90
    გიორგი თარგამაძის OP-ED: მელია: მელა და ლომი?ბრიუსლემა უპრეცედენტო ნაბიჯი გადადგა და საქართველოს ოპოზიციის ლიდერისთვის გირაო გადაიხადა... ნიკა მელია თავისუფლია, თუმცა ეს სულაც არ ამარტივებს და შესაძლოა, ართულებდეს კიდეც მის ამოცანას: შეინარჩუნოს ერთიანობა პარტიის შიგნით და მჭირდო კოორდინაცია ოპოზიციურ სპექტრში,  პარტიის გარეთ საბოლოო მიზნის მისაღწევად.ნაცმოძრაობის ნაწილის აზრით: დღევანდელი პარლამენტი არალეგიტიმური, მიშელის შეთანმხება კი ოპოზიციისთვის დამამცირებელია, რის გამოც…
    Tags: და, თუ, რომ, უნდა, კი, ეს, არ, მთავარი, თემა, ახალი
  • 90
    საქართველო - ორმაგი სტანდარტის ქვეყანაზოგადად, ორმაგი სტანდარტი კაცობრიობისთვის დამახასიათებელი მოვლენაა - ადამიანების გაყოფა „თავისიანებად" და „სხვისებად" არავისთვის და არსად უცხო არ ყოფილა. მეტიც, სწორედ ამ გაყოფის საფუძველზე შეიქმნა კლანები, ტომები, ერები, და ბოლოს - სახელმწიფოები. რომ არა ეს ჯოგური ინსტინქტი, ადამიანი დღეს ველური, განუვითარებელი, და მარტოობაში მოხეტიალე ცხოველი იქნებოდა - მაგალითად, როგორც ლეოპარდი. „შენიანი"…
    Tags: და, რომ, არ, ეს, კი, მთავარი, თემა, ახალი, ამბები, პოლიტიკა
  • 90
    "რამდენი წელი გავიდა და მადლობებს ვიხდით, რომ არ გვაუპატიურებენ და არ გვკლავენ""მსოფლიო მოვიარე და ყველგან ვჭირდები კოლეგებს, კულტურას, აქ კი - არავის. ის კი არ მინდა, რომ მინისტრმა შემაქოს, ეს არ მაინტერესებს და არც მხიბლავს, მაგრამ არ არის არანაირი ხელშეწყობა, რამე გავაკეთო"   როცა ინტერვიუს ჩასაწერად დირიჟორ გოგი ჭიჭინაძეს დავუკავშირდი, თავდაპირველად ინტერვიუზე არ მთანხმდებოდა, მითხრა, დღევანდელი რეალობიდან ბევრ რამეზე მტკივა გული, ბოლო წლების…
    Tags: და, არ, რომ, ეს, მთავარი, თემა, ახალი, ამბები, პოლიტიკა