საქართველოში ჩინური წარმოების ვაქცინის, სინოფარმის 100 000 დოზა თბილისის აეროპორტში დღეს სპეცრეისით ჩამოვიდა. ამჟამად მისი დასაწყობება მიმდინარეობს.
სინოფარმის ვაქცინა მსოფლიო ჯანდაცვის ორგანიზაციის მიერ ჯერ ავტორიზებული არაა, თუმცა ჯანდაცვის მინისტრის მოადგილის, თამარ გაბუნიას თქმით, მათ იმ პირობით შეიძინეს ჩინური ვაქცინა, რომ აპრილის ბოლომდე ავტორიზაციას მიიღებს.
Sinopharm-ის ვაქცინა შექმნა პეკინის ბიოლოგიური პროდუქტების ინსტიტუტმა 2020 წელს. სახელმწიფოს მფლობელობაში არსებული კომპანიის, სინოფარმის ცნობით, კლინიკურ ცდებში ვაქცინა 79%-იან ეფექტიანობას აჩვენებს.
საქართველოში ასტრაზენეკას ვაქცინის 43 200 დოზა 13 მარტს შემოვიდა და 15 მარტიდან ვაქცინაცია დაიწყო. Pfizer-ის 28 200 დოზა კი 25 მარტს შემოვიდა. აქედან აიცრა 8 000-მდე ადამიანი. 25 მარტიდან, სამედიცინო სფეროს წარმომადგენლების გარდა, პორტალზე დარეგისტრირება შეუძლიათ 65 წელს ზემოთ პირებსაც, რომელთაც ექნებათ საშუალება, არჩევანი გააკეთონ Pfizer-სა და AstraZeneca-ს შორის. Pfizer-ით აცრა 30 მარტიდან დაიწო.
მსგავსი სტატიები:
კორონა ვირუსი და ახალი რეკომენდაციები ზურაბ გურულისა და ნანა გეგეჭკორისგან
ჩოხატაურში კორონავირუსით ორი ადამიანი გარდაიცვალა, ისინი მკურნალობას სახლში გადიოდნენ
18 დეკემბერს საქართველოში კორონავირუსით 2 635 ადამიანი დაინფიცირდა, ხოლო გარდაიცვალა 49
მეუფე იაკობს კორონავირუსი დაუდასტურდა
საქართველოში კორონავირუსის 417 ახალი შემთხვევა გამოვლინდა, გარდაიცვალა 31
აცრილი ადამიანები ორენოვან დამადასტურებელ ცნობას მიიღებენ
მასწავლებლები და ბაღის აღმზრდელები, სავარაუდოდ, ჩინური ვაქცინით აიცრებიან
PBS-მა ზურაბ გურული და ნანა გეგეჭკორი COVID 19-ის გმირებად მოიხსენია