თუ ხელისუფლება ამბობს, რომ ყველაფერს ოპოზიცია მართავს და რაც ხდება, ოპოზიციის მოქმედების ან უმოქმედობის გამოა, ესე იგი, აღიარებს, რომ მისი ფასი ნულია,- ამის შესახებ „ერთიანი საქართველოს“ ლიდერმა ნინო ბურჯანაძემ ოპოზიციური პარტიების წარმომადგენლებს შორის შეხვედრამდე ჟურნალისტებს განუცხადა.
როგორც ის აღნიშნავს, როდესაც ხელისუფლება ყველაფერზე პასუხისმგებლობას ოპოზიციას აკისრებს, ამით თავის უუნარობას აღიარებს.
„ქართულმა ოცნებამ“ ვერ გააცნობიერა, რომ ხელისუფლებაში ყოფნა არ ნიშნავს მარტო ფულის შოვნას და პრივილეგიებს. ხელისუფლებში ყოფნა ნიშნავს პასუხისმგებლობას და ეს ჩვენმა დასავლელმა პარტნიორებმაც არაერთხელ შეახსენეს. როდესაც ხელისუფლება ყველაფერზე პასუხისმგებლობას ოპოზიციას აკისრებს, ამით თავის უუნარობას აღიარებს. იმიტომ, რომ იქ, სადაც ხელისუფლება ძლიერია, იქ, სადაც ხელისუფლება ეფექტიანია, ხელისუფლებაა ნებისმიერი პროცესის წარმმართველი ძალა და არა ოპოზიცია“,- განაცხადა ბურჯანაძემ.
რაც შეეხება ოპოზიციის დღევანდელ შეხვედრას, როგორც ბურჯანაძე აღნიშნავს, ოპოზიცია კონკრეტულ სამომავლო გეგმებს დასახავს.
„ჩვენ კიდევ ერთხელ გავაკეთებთ ანალიზს „ქართული ოცნების“ ქმედებებისა და დავსახავთ უფრო კონკრეტულ სამომავლო გეგმებს. კიდევ უფრო გავააქტიურებთ მოქმედებას, მათ შორის საერთაშორისო არენაზე იმიტომ, რომ უპრეცედენტო ბომბარდირება ხდება საერთაშორისო თანამეგობრობის მხრიდან „ქართული ოცნების“ და ამას შესაბამისი რეაგირება მოყვება“,- განაცხადა ბურჯანაძემ.
მსგავსი სტატიები:
ბერა-საქართველოში არსებობენ ისეთი ჯგუფები, რომლებიც ყოველთვის შეეცდებიან ჩვენი მწყობრიდან გამოყვანას
რა უნდა ეთქვა ბერას – გიორგი თარგამაძე
“ჩვენ რომ დაგვცლოდა, გარეჯი იქნებოდა მთლიანად დაკანონებული აზერბაიჯანის მხრიდან, როგორც საქართველოს ნაწილი”
“გრიგორიჩ, ერთი კაციც და “სასტავი” მზადაა”
“ქვეყანაში,სადაც ბიძინა ივანიშვილი რეპრესიებისთვის სპეცსამსახურებს იყენებს, ადამიანები ერიდება საკუთარი მოსაზრების ღიად დაფიქსირებას”
მშვენიერია… ბატონი მელია ციხეს ძალიან მალე დატოვებს – ვიოლა ფონ კრამონი
ღარიბაშვილი: ჩვენ კანდიდატს თბილისში და არც ერთ მუნიციპალიტეტში ალტერნატივა არ ეყოლება
“ოცნების” მორიგი ბინძური კამპანია-რა პლაკატებს აკრავენ ქუჩებში