ენმ-სა და ძალა ერთობაშიას ზუგდიდის მაჟორიტარობის კანდიდატის წარდგენაზე შეკრებილ ამომრჩევლებს, საქართველოს მესამე პრეზიდენტმა, მიხეილ სააკაშვილმაც მიმართა. თავის სიტყვაში მიხეილ სააკაშვილმა არაფორმალურ მმართველსაც მიმართა – “ხელი არ წაგიცდეს გაყალბებაზე, ხელი არ წაგიცდეს, შენი ქურდული ხელი, ქართველი ხალხის თავისუფლების მოპარვაზე”.
„ჩვენ ვემზადებით ამ გაყალბების შესაჩერებლად და ჩვენ ვემზადებით დიდი გამარჯვებისთვის და მინდა ვუთხრა ივანიშვილს – ხელი არ წაგიცდეს გაყალბებაზე, ხელი არ წაგიცდეს, შენი ქურდული ხელი, ქართველი ხალხის თავისუფლების მოპარვაზე. იმიტომ რომ, იცოდე, თუ აქამდე მზად ვართ, ყველაფერი გაპატიოთ, მე პირადად, თუ აქამდე მზად ვართ, ყველაფერზე თვალი დავხუჭოთ, ოღონ გვერდზე გაიწიოთ, დაგვაცადოთ, ამოგვასუნთქოთ ხალხს და მისცეთ საშუალება განვითარების და წინსვლის, ამ დანაშაულს საქართველო არასდროს არ გაპატიებს.
შეხედე კარგად ზუგდიდს და დაიმახსოვრე ხუთ დღეში ან წყნარად ჩაჩოცდები ხელისუფლებიდან ან ნამდვილად არ შემშურდება შენი ბედის, არცერთ მომავალ თაობას. ეს იქნება ერთ-ერთი ყველაზე საზიზღარი, სამაგალითო თქვენი ბედი, ნებისმიერი საქართველოს ისტორიაში,”– ამბობს, მიხეილ სააკაშვილი.
აქვე მიხეილ სააკაშვილმა ივანიშვილის მიერ შეჩერებულ პროექტებზე ისაუბრა.
“პირველი, რაც მოკლა ივანიშვილმა და რუსეთმა არის ლაზიკის პროექტი, პირველი რაც გაცოცხლდება, ჩვენი მტრების ჯინაზე, იქნება ყველაზე ბრწყინვალე ქალაქი ზუგდიდის და სამეგრელოს გაგრძლება, საქართველოს გვირგვინი, ლაზიკა, რომლის მშენებლობაც განახლდება პირველივე დღეს, როგორც ახალი მთავრობა შევა საქართველოს ხელისუფლებაში და იქნება პარლამენტის მიერ დამტკიცებული,” – თქვა პრემიერმინისტრობის კანდიდატმა.
შეგახსენებთ, საპარლამენტო არცევნები საქართველოში 31 ოქტომბერს გაიმართება.
მსგავსი სტატიები:
დონალდ ტრამპი თეთრ სახლში დაბრუნდა
გია ჯაფარიძე მელაშვილის ბრალზე: სრული ბოდვაა, სირცხვილი მას, ვინც ხმას არ ამოიღებს
პროკურატურამ მელაშვილი-ილიჩოვას გათავისუფლების თხოვნით სასამართლოს მიმართა
მშობლებს შესაძლებლობა აქვთ აირჩიონ, სკოლაში ივლის ბავშვი თუ დისტანციურად ისწავლის – განათლების სამინისტრო
“დიახ დავით გარეჯი საქართველოა, კამათიც კი უხერხულია ამ თემაზე”
გზავნილი საკნიდან-“მორალურად გავძლიერდი – ციხიდან გამოსვლის შემდეგ, ბევრად ენერგიული ვიქნები!”
“ამ გზით მოპოვებული “თავისუფლების” შედეგი – შეწყალებული მოძალადე თანამდებობის პირები და პოლიციელები”
თუ იმას ეთანხმებით, რაც გუშინ ხდებოდა, აუკრძალეთ შვილებს შორტებით, ფერადი მაისურებით, ან გრძელი თმით ქუჩაში გასვლა”- გია ხუხაშვილი