„რუსეთი არის ჩვენი ეკონომიკის ძირითადი შემოსავალი”-გიორგი ქობულია

„არა მგონია, რომ რუსი ტურისტებისთვის კვერცხების სროლა გეოპოლიტიკურად გაგვაძლიერებს – რუსეთი არის ჩვენი ეკონომიკის ძირითადი შემოსავალი” , – ამის შესახებ ეკონომიკის ყოფილმა მინისტრმა გიორგი ქობულიამ რადიო “პალიტრისა” და “პალიტრანიუსის“ გადაცემაში „საქმე“ განაცხადა.

აღნიშნულით ის, თბილისში განვითარებულ მოვლენებს გამოეხმაურა, რა დროსაც საქართველოს მოქალაქეებმა რუსი ჟურნალისტის ვლადიმირ პოზნერის და მისი თანმხლები პირების ჩამოსვლა გააპროტესტეს.

„მე არ მგონია, რომ ქართველ და რუს ხალხებს შორის მტრული დამოკიდებულება არსებობს. ჩვენ ყოველთვის გვქონდა მეგობრული დამოკიდებულება. ზუსტად ეს იყო საამაყო, რომ რუსი ხალხი პოზიტიურად იყო განწყობილი საქართველოს მიმართ. რუსეთისგან ყოველთვის გვესმოდა გამოხმაურება, რომ მიუხედავად ჩვენი პოლიტიკურად დაძაბული ურთიერთობისა, რამდენად სტუმართმოყვარეა ქართველი ხალხი და რამდენად კარგად იღებენ მათ. ეს მართლაც ასე იყო და მე იმედი მაქვს, რომ ასეც გაგრძელდება. გარდა იმისა, რომ მეგობრული ურთიერთობა გვაქვს რუს ხალხთან, ჩვენ გვინდა თუ არა, რუსეთი არის ჩვენი ეკონომიკის ძირითადი შემოსავალი და სხვათა შორის, არა მარტო ტურიზმში, წარმოიდგინეთ, მთელი ჩვენი სოფლის მეურნეობის პროდუქციის უმეტესი წილი, გინდა ღვინო, გინდა ხილი, გადის რუსეთში.

ჩვენ არ უნდა დავივიწყოთ, რომ ქვეყნის ნაწილი ოკუპირებულია, მაგრამ ისიც არ უნდა დაგვავიწყდეს, რომ ის ქმედებები, რომელსაც ჩვენ ჩავდივართ, მიმართული უნდა იყოს ჩვენი ქვეყნის მდგომარეობის გაუმჯობესებისკენ, არამარტო ეკონომიკურად, გეოპოლიტიკურადაც. მე არა მგონია, რომ რუსი ტურისტებისთვის კვერცხების სროლა ჩვენ გეოპოლიტიკურად გაგვაძლიერებს, ან რამენაირად წვლილს შეიტანს ჩვენი ტერიტორიების დაბრუნებაში“ , – განაცხადა გიორგი ქობულიამ.

გააზიარეთ და მოიწონეთ სტატია:

მსგავსი სტატიები:

გურიასა და აჭარაში ათასობით აბონენტს ბუნებრივი აირი არ მიეწოდება _ გათბობის გარეშე დარჩა საავადმყოფოებიც ქველმოქმედება თუ მილიარდების გადარჩენის მცდელობა რის სანაცვლოდ გაურიგდა “უცნობი” სააკაშვილს? “ხელისუფლება ჩვეულ სტილში პოლიტიკურ ოპონენტებს დევნის”-ვარშალომიძე დევნილების დასახმარებლად – ენმ-ს ახალი ინიციატივა საქართველოს მოქალაქეები გერმანიაში დროებით ლეგალურად დასაქმდებიან “მედროვეობაც ქართული სიტყვაა და დღეს ბიძინას მოპარულ პარლამენტში ჯდომას ქვია და “მელია დასაჭერიას” ძახილს” მარტო არ ხართ თავისუფლებისთვის ბრძოლაში – ამერიკელი სასულიერო პირების წერილი ქართველებს