“ამ ამბავს ბევრი ყვება დღესაც გურიაში”

May be an image of ბუნება და ხე
ლელობურთის სათამაშოდ ჩიბათში ჩასულმა, სუფსისწყლის ჭალაში, დიდი კოპიტის ქვეშ, ჭანჭათელ ნათესავ ქალებთან ერთად დევინახე პირველად ბეიაშენიო ხშირად ყვებოდა ლადიმე ბაბუა. ლურჯი ჩითის, ქამრიანი კაბა ეცვა, ალისფერი ცახოცი ეფარა და თეთრი გულისპირი ამშვნებდაო. ას ქალში რომ გამოარჩევდა კაცი იმფერი სანახავი იყო და კიდოვაც გამუარჩიეო. სხვა ქალებივით არ ტკარცალობდა, იშვიათად გეიღიმებდა მარა იმფერათ რომე იმის დამნახველ კაცს გული, საგულეს არ გუუჩერდებოდაო.
ასკანელი, თალაკვაძის ქალი იყო ესმა ბებია.
ლადიმე ბაბუას ორი გუუთხუარი ტყუპი დაი ყავდა შინ. ქვას კვნეტდენ და იგენის გუუთირავი ჩიტი ვერ გადიფრენდა სოფლის თავზე თურმე. ლადიმე ბაბუას დებისთვის დაუვალებია, ერთ ასკანელ ქალს ვყვარობ, ვარგებული ქალი ჩანა, ამშვენებს ქვეყანას და არ მგონია კაი რძლობა ვერ გასწიოს, გეიცანით, დეიახლოვეთ და მითხარით დასტურიო.
რაფერ მოახერხეს არვიცი ან ერთად რა უნდოდათ ტალახიან ორღობეში ვერ ვხვდები, მაგრამ ამ ამბავს ბევრი ყვება დღესაც გურიაში.
საგანგებოდ ყოფილან მორთული და გამოწყობლი, დიდ ლაფიან ორმოს რომ ჩაუარეს ვითამ შემთხოვით, მარა ისე განგება, კაი მოზდილი ქვაი დღვლიპა ფაციამ ჭონჭყოში. შიესხა ესმას ალიზა ტალახი და თლა დიესვარა კაბა თურმე. შესაშური სიმშვიდით ჩამოურეცხავს ესმას ტალახი ღელეზე და ისე ერთი სასაყვედურო სიტყვაც არ დასცდენია, სიცილით გაუგრძელებია გზა მომავალ მულებთან ერთად.
იმ საღამოს, ვახშამზე დებს ლადიმესთვის უთქვამთ ” დასტურ კაი ქალი შეგირჩევია ძამა, ყველაფრობამდე შევამოწმეთ მეიყვანე შინ, წელში გამართული იარს შენი ძეი და მომავალი მისდღემჩი, აგაშენებს და ვერიკაცი თვალში ვერ ჩაგხედავსო..”
საუკეთესო ბეჭდები ამოურჩევიათ თავიანთი ბოხჩებიდან და გაუტანებიათ ლადიმესთვის ასკანაში სანიშნოდ.
ესმა მამით ობოლი ყოფილა და მოკრძალებული მაყრით მისულს, ხელი მოხუცი დედისთვის და უფროსი ძმისთვის, გოგილოსთვის უთხოვია ბაბუას.
ცხენით წამოუყვანია ნანატრი ქალი ასკანიდან ბახვში. არ უკადრებია ესმა ბებიას, საქმროს ცხენზე მასთან ერთად შემოჯდომა და თავისი ცხენით გაყოლია უკან. კარგად მოხუცებულიც მოხერხებულად იჯდა ესმა ბებია ცხენზე.
ჩირაღდნებით დაგვხვდენ მეზობლის და ნათესავების ბიჭები სამჭედურთან და ბრიალ ბრიალით მოგვაცილენ შინო ამაყად ყვებოდა ყოველთვის.
პურმარილი იმფერი დამახრედეს “გალეტიც” არ აკლდა სუფრასო.
ქვაის მკვნეტელი მულები ესმას მზეს ფიცულობდენ ბოლო დღემდე და ვაი იმის ბრალი ვინც გადაბრუნებულ სიტყვას გაბედავდაო.
ისე ყველაფერი კაი აგიხდეთ როვარც ესმა ბებიამ შესაშური ქალობა გასწია.
დღევანდელ დღეს დაიბადა..
Gardenia shevardnadze
გააზიარეთ და მოიწონეთ სტატია:

მსგავსი სტატიები

  • 100
    "2 თებერვლის ღამე განსაკუთრებული ღამეა გურიაში"ფოტო: #ზაქარიაჭელიძე "2 თებერვლის ღამეს ბავშვობაში ძლიან ველოდებოდით.
ეს ღამე განსაკუთრებული ღამეა გურიაში, გურულები ლამპარს ანთებენ და ამ რიტუალს ლამპრობას ვეძახით.
ბაბუა დილიდან ჩაალბობდა ნავთიან გობში საგანგებოდ ამ დღისთვის გადანახულ, მსხვილ ნაგულებს, აკაციის გრძელ ღჯას კანს გააცლიდა და ნავთით გაჟღენთილ ნაგულებს თავბოლოშექცევით , მჭიდროდ, რამდენიმე წყებად მიამაგრებდა სარზე.
ძალიან ველოდით დაბნელებას, და თუ…
    Tags: და, არ, საზოგადოება, მთავარი, თემა, ახალი, ამბები, რეგიონი
  • 100
    "იმ ღამეს ბებია რომ დავაწვინეთ, ძაღლების ყმუილს და ყეფას გადუტანია ოზურგეთის საავადმყოფოს ეზო""ადრე დილას ბებიამ სიმინდი გადარეკა და საფქვავი გაამზადა. ბაბუამ ტომარა გოდორში ჩადო და ბიქტორა ჩავლეშვილისას წაიღო წიქვილზე, მეც ავედევნე.. ბებიამ მოგვაძახა "არ დამიპიპკოს იცოდე, ხოროში მირჩონია საჭადედ ხოროში.. ერთი სამი კილო გული გამეიღოს საფელამუშედ გასამერდინებლად, გეყურებაა?.." მეწისქვილე სარეკელს ფხეკდა წისქვილის წინ თხემლის ძირში. ბიქტორამ ჩვენს ტომარას ნახშირით დააწერა "მერიკო, ხოროში"…
    Tags: და, არ, საზოგადოება, მთავარი, თემა, ახალი, ამბები, რეგიონი
  • 99
    "თუ ტიროდა და ვინ ტიროდა ხმით,თუ ეხურა ციცას თავზე შავი, წერა ქონდენ თუ ოჯახმა ითავა,გამგე ვინიყო და ხარჯი თუ ქნეს შესაფერი?"ფოტო #ზაქარიაჭელიძე ადამიანის სიკვდილის ამბავს შეცხადებით გავიგებდით. საღამოს ან ღამით გარდაცვლილს ადრე დილამდე არ შეიცხადებდნენ, აცდიდენ სოფელს გაღვიძებას. ვინც არ იცის, შეცხადება უთავბოლოდ კივილი ჰგონია, არადა სხვანაირადაა საქმე, ოჯახის მგლოვიარედ გამოცხადების ამბავია. რომც იცოდე გარდაცვალების შესახებ ვერ მიხვალ ნუგეშის საცემად "შუუცხადიებელთან", არაა წესი.. ძალიან იშვიათად, ოჯახისთვის შეურაცყოფის მიმყენებელ, უკადრებელის მკადრებელსაც…
    Tags: და, არ, საზოგადოება, მთავარი, თემა, ახალი, ამბები, რეგიონი
  • 99
    "მე ასეთი ადამიანები მიყვარს,დიდი აკვიატების ადამიანები"-კეკელიძემაკა სულაძე და მისი ოჯახი გავიცანი ორი თვის წინ, მექვენაში. საკუთარ სახლში მიმასპინძლა, იქ პატარა ბიბლიოთეკა მოვუწყვეთ და მერე, დრო გვეყო და საკუთარი ამბები მომიყვა. მე, ადამიანს, რომელსაც იოლად მესმის მშობლის დაკარგვის სევდა, ყველაზე დიდ შთაბეჭდილებად უცნაური გარემო გამომყვა და თუ რატომ უცნაური, მოგიყვებით მიზეზს - მაკა წლობით უვლიდა საწოლს…
    Tags: და, საზოგადოება, მთავარი, თემა, ახალი, ამბები, რეგიონი