“ენგურს გადაღმა საქართველოში ვერა და ვერ გაიგეს, რომ რუსი მტერია” – წერილი გალიდან

გამარჯობა საქართველო!

მე ლევანი მქვია. 39 წლის ვარ და გალში ვცხოვრობ! ქართველი ვარ! ყველაზე დაჩაგრული ქართველი!

პატარა ბიჭი ვიყავი ომი რომ დაიწყო! შეეძლო მამაჩემს წავსულიყავით აქედან. ხო მართლა, მამა არ მყავს! ის ომის მერე დაიღუპა. რუსებმა მოკლეს თაგილონში. 16 წლის ვიყავი მაშინ! მეც შემეძლო წავსულიყავი, მაგრამ სად უნდა წავსულიყავი? ჩემი სახლი ყველაფერს მერჩივნა.

აგერ 30 წელია თითქმის რაც ასეთ დღეში ვარ. ვერ გამიგია რა უნდა გავაკეთო? ერთი ის ვიცი, რომ არ მინდა ჩემი სახლის დატოვება! ქართველი ვარ! ამიტომაც ზუგდიდში მირჩევნია ხოლმე გადასვლა! ენგურის ხიდით გადავდიოდით ხოლმე სულ! ყველა გადასვლა-გადმოსვლაზე რუსებს ვუხდი ფულს, რომ სახლში დავბრუნდე! მითხრეს, აიღე აფხაზური პასპორტი და სოხუმში იარე, რა გინდა ზუგდიდშიო? მაგრამ როგორ ავიღო აფხაზური პასპორტი? მე ხომ ქართველი ვარ!

გუშინ წყალს გაყვა ჩემი წილი საქართველო! ჩემი ბავშვობის მეგობარი ოჯახთან ერთად ცდილობდა ზუგდიდში გადასვლას! ექიმთან უნდა მიეყვანა ცოლი! საქართველოს მთავრობას კი რეგულაციები აქვს და 5 დღე კარანტინი უწევდა. ჩვენმა მეზობელმა გოგიამ უთხრა მე გადაგიყვანო ,,ჩორნი ხოდითო”! სხვა გზა არ ჰქონდა სიმონას და გაყვა მას! სიმონასაც ბევჯერ შესთავაზეს აფხაზური პასპორტი, მაგრამ არ დათანხმდა! ისიც ქართველი იყო და არასოდეს უფიქრია უარი ეთქვა საქართველოზე! გუშინ კი წყალმა წაიღო მისი და მისი ოჯახის ცხოვრება! წყალმა წაიღო ჩვენი წილი საქარფველო! რატომ უნდა მჭირდებოდეს მე, ქართველს, ერთი რაიონიდან მეორეში გადასასვლელად კარანტინი, როცა რუსები თავისუფლად ჩამოდიან საქართველოში! ვუყურებ საქართველოს და ვის რაში აინტერესებს როგორ ვართ ჩვენ აქ? რას ვაკეთებთ, რაც ვჭამთ და რას ვსვამთ? მთავრობა კარგი, მაგრამ ხალხი? სად არის ხალხი? სად არიან ჩემნაირი ქართველები, რომლებსაც გული კი დაწყდათ სიმონას ამბავზე, მაგრამ აზრი? მაშინ გადახტა წყალში, როცა რუსები გამოეკიდნენ! რომ არ გადამხტარიყვნენ დაიჭერდნენ ეს შობელძაღლები! რა იცის ბევრმა რამდენი უნდა ვიწვალოთ ახლა მათ გადმოსასვენებლად?

ეჰ, წყალში დაიხრჩო გუშინ ჩემი წილი საქართველო!

მეზობელი მყავს ერთი კიდევ: ირაკლი ჰქვია, ბებუაა გვარად! დრანდის ციხეში ზის და კაცმა არ იცის ცოცხალი გამოვა თუ არა! გალში ცხოვრობდა ისიც და აფხაზეთის დროშა დაწვა, საქართველოა აფხაზეთიო! იმას იქ აწამებენ და ესეც შეირგო ჩემმა საქართველომ! ესეც გადაყლაპა! დრანდის ციხეშია ჩემი წილი საქართველო! კარგი ბიჭია ირაკლი! უყვარს ეს ქვეყანა! დრანდიდანაც ძალიან უყვარა ქართველები და საქართველო! ის საქართველო, რომელიც არაფერს აკეთებს მის გასანთავისუფლებლად!

სამეზობლო ვიყავით დღეს შეკრებილი! ყველა ჩუმად იყო! მთელი სოფელი აქ ვიყავით და ყველას ძალიან დიდი შიში აქვს ახლა ზუგდიდში გადასვლის! არადა, რა უნდა ვქნათ სხვა? მოგვადგებიან ალბათ ამ დღეებში და ისევ აფხაზურ პასპორტებს შემოგვთავაზებენ! მერე რა უნდა ვქნათ? როგორ მოვიქცეთ?

მიყვარს საქართველო, მაგრამ… გუშინ წყალმა წაიღო ჩემი წილი! ვფიქრობ ზოგჯერ: ვახსოვართ რო ვინმეს ენგურს გადაღმა? ფიქრობენ ნეტა ჩვენზე? 30 წელია არავინ შეგვიწუხებია და ამიტომ დავიმსახურეთ კარანტინი ზუგდიდში ჩასასვლელად?

ვზივარ ახლა და ვფიქრობ: რა უნდა ვქნათ ხვალ თუკი პასპორტს შემომთავაზებენ? დავთანხმდე და ვიარო სოხუმში თავისუფლად თუ გავრისკო ხოლმე მეც ენგურში შეცურვა, რომ ზუგდიდში წამლები ვუყიდო დედაჩემს? მიყვარს ქართველები, მაგრამ წყალს მიაქვს ჩემი წილი საქართველო!

დავბერდი უკვე და აღარ მინდა ასე ცხოვრება! აღარ მინდა ხიდზე ურმით სიარული და სახლში დასაბრუნებლად ფულის გადახდა! ნორმალური ცხოვრება მინდა ჩემს სახლში! რუსი მე მართმევს ხოლმე ჩემს ნაწვალებ ფულს და თბილისში თავისუფლად ჩამოდის, კომენდანტს არღვევს და ელარჯს ჭამს თბილისში! რუსმა მოკლა სიმონას ოჯახიც, რუსს ჰყავს ირაკლიც ციხეში ჩაკეტილი! რუსმა მოგვიკლა ანწუხელიძე, ტატუნაშვილი, გიგაც რუსმა მოგვიკლა, ოთხოზორია! მაგრამ ენგურს გადაღმა საქართველოში ვერა და ვერ გაიგეს, რომ რუსი მტერია, რომელიც გვკლავს ენგურს გადმოღმა ქართველებს!

ვზივარ ახლა ენგურის პირას და ვფიქრობ: რა ვუთხრა აფხაზს, რომელიც ხვალ ისევ აფხაზურ პასპორტს შემომთავაზებს? ამასობაში კი ენგურის ტალღებს მიაქვთ და მიაქვთ ჩემი წილი საქართველო!

პ.ს. ზედმეტი კითხვები რომ არ იყოს, ირაკლი ბებუას გარდა ყველა პერსონაჟი გამოგონილია! მაგრამ დამერწმუნეთ, გალის მაცხოვრებლების გულის ტკივილია ამ ყველაფერში! ამოვიღოთ მეგობრებო ხმა და დათვს ბაბაიას ნუ დავუძახებთ! წყალი წაიღებს ჩვენს წილ საქართველოსაც თუ არ გამოვფხიზლდით! მერე კი გვიან იქნება!

სოციალურ ქსელში წერილს ნიკო მიქაია ავრცელებს.

გააზიარეთ და მოიწონეთ სტატია:

მსგავსი სტატიები

  • 96
    "მიპასუხა-"ოღონდ ნაცები არა"..."აღფრთოვანებული და იმედმოცემული ვარ მას შემდეგ, რაც აქტივისტების, განსაკუთრებით ახალგაზრდების ასეთი შემართებითა და გაბედულებით გამართული აქცია ვნახე, დავინახე მათი აღშფოთება პოზნერის ჩამოსვლით, მათი შეუპოვრობა პოლიციის მიმართ. მაგრამ მე მაინც მაფიქრებს ხალხი, ამ სიტყვის ფართო გაგებით. რამდენად გააზრებული აქვთ ამ ჩამოსვლის როგორც სიმბოლური, ასევე რეალური მნიშვნელობა. მოლაპარაკებების ჩაშლის შემდეგ სულ უფრო…
    Tags: და, რომ, არ, მთავარი, თემა, ახალი, ამბები, პოლიტიკა, სოციალური, ქსელი
  • 96
    "ვისაც მონობა უნდა, დაუკრას ტაში და გააგრძელოს უბადრუკი ყოფა!"ყოფილი პოლიტიკოსი ირინა სარიშვილი სოციალურ ქსელში,მთავრობის მიერ,  ქვეყანის ტერიტორიაზე გაგრძელებულ შეზღუდვებს ეხმაურება და წერს: "დაახლოებით 2 კვრის წინ ვთქვი რომ ესენი საგანგებოს გაგრძელებას ზაფხულამდე აპირებენ და თითო თვით გაგრძელებით შემოგვაპარებენმეთქი. ჩემიანებმაც კი ეჭვის თვალით შემომხედეს, არ იქნება ეგ სიმართლეო. ყველაზე მნიშვნელოვანს ზღუდავენ – საზოგადოებრივ ტრანსპორტს, რაც კიდევ უფრო გაუსაძლისს ხდის…
    Tags: და, არ, რომ, მთავარი, თემა, ახალი, ამბები, პოლიტიკა, სოციალური, ქსელი
  • 96
    "კობახიძესაც არაფერი ეშველება"- 2021 წელის პოლიტიკური პროგნოზი დავით ზურაბიშვილისგან„რესპუბლიკური პარტიის“ ყოფილი წევრი დავით ზურაბიშვილი 2021 წელს შემდეგ პოლიტიკურ მოვლენებს პროგნოზირებს და სოციალურ ქსელში წერს: „პოლიტიკური პროგნოზების კეთება საქართველოში ისედაც უმადური საქმეა და მით უმეტეს ახლა,როცა სიტუაცია იმდენად არეულია (და არა მარტო ჩვენთან), რომ რა მოხდება კაცმა არ იცის. სამაგიეროდ, ვფიქრობ, ძალიან მაღალი ალბათობით შემიძლია იმის წინასწარმეტყველება, თუ რა…
    Tags: არ, და, მთავარი, თემა, ახალი, ამბები, პოლიტიკა, სოციალური, ქსელი
  • 96
    “დავით გარეჯის 10 მონასტერი ცხოველების და ფრინველების თავშესაფრადაა ქცეული… რაც გაქვთ, იმას მიხედეთ ” – დეკანოზიდეკანოზი ილია ჭიღლაძე სოციალურ ქსელში დავით გარეჯის საქმეს ეხმაურება და სამონასტრო კომპლექსის ნაწილის საბჭოთა პერიოდში დაკარგვის ისტორიას იხსენებს. დეკანოზის თქმით,  დავით გარეჯის კომპლექსი 17 მონასტრისგან შედგება. მათგან 10 კი მიტოვებული და მოუვლელია. “ეს ერთი კვირაა, შემძაგდა ფეისბუკში სიახლეების შეხედვა, არც არაფერი დავწერე ამ საკითხზე, ვუყურებ და რაც ხდება გარეჯის საკითხის…
    Tags: და, მთავარი, თემა, ახალი, ამბები, პოლიტიკა, სოციალური, ქსელი