1989 წლის 9 აპრილის მოვლენებიდან 32 წელი გავიდა. ეს დღე საქართველოს უახლეს ისტორიაში ერთ-ერთ ყველაზე გმირული და ტრაგიკული დღეა. 9 აპრილს ქართული საზოგადოება საქართველოს დამოუკიდებლობას და საბჭოთა იმპერიის რეჟიმიდან გათავისუფლებას ითხოვდა.
1989 წლის 9 აპრილი დიდ ტრაგედიისა და ამასთან ერთად დიდი გამარჯვების დღეა. ამ დღეს საზოგადოებრივი ერთიანობის შეგრძნება ყველაზე მეტად იგრძნობოდა, როდესაც ათასობით ადამიანი საქართველოს დამოუკიდებლობას და თავისუფლებას მოითხოვდა, თუმცა საბჭოთა ხელისუფლების გადაწყვეტილებით, თავისუფლების მოთხოვნით შეკრებილი ადამიანები სასტიკად დაარბიეს და დილის 4 საათზე, კრემლის მითითებით რუსთაველის გამზირზე- საბჭოთა არმიის მძიმე ტექნიკა, შემდეგ კი ძერჟინსკის დივიზიის, დესანტისა და შინაგანი ჯარის სპეცრაზმელები გამოჩნდნენ, რასაც უდანაშაულო და თავისუფლებისთვის მებრძოლი 21 ადამიანის სიცოცხლე შეეწირა, 4 ათასზე მეტი დემონსტრანტი კი სხვადასხვა სახის ტრამვით საავადმყოფოში მოათავსეს. საბჭოთა ჯარისკაცები მშვიდობიან მომიტინგეებს ორლესული ნიჩბებითა და მხუთავი აირით უსწორდებოდნენ. კრემლის მითითებით მიტინგის დარბევა მოხდა ამავე ღამეს ტელევიზიასთან, სადაც ეროვნული მოძრაობის ლიდერთა ერთ ნაწილთან ერთად ასევე მშვიდობიანი მოქალაქეები იყვნენ შეკრებილი. 9 აპრილის ღამეს დარბევის წინა წითებში ეროვნული მოძრაობის ლიდერებთან ერთად მომიტინგეებთან იმყოფებოდა სრულიად საქართველოს კათოკოლის-პატრიარქი ილია მეორე, რომელმაც აქციის მონაწილეებს მიმართა, რომ საშიშორება იყო რეალური და სთხოვა ქაშუეთის ეკლესიაში გადასულიყვნენ და ელოცათ.
21 გმირი, საბჭოთა რეჟიმის, დაუნდობელ და სასტიკ დარბევას შეეწირენ. ეს ადამიანები თავისუფლებასა და სამშობლოს დამოუკიდებლობისათვის იბრძოდნენ.
ეს გმირები არიან: ადამია აზა, 22 წლის; ბაშალეიშვილი ეკა, 16 წლის; ბეჟანიშვილი ეკა, 16 წლის; გიორგაძე ნატო, 23 წლის; დოლიძე თამუნა, 28 წლის; ენუქიძე თინა, 70 წლის; თოიძე ნინო, 25 წლის; კიკვიძე ზაირა, 61 წლის; ლოლაძე მანანა, 33 წლის; მამულიშვილი თამარი, 50 წლის; მეტრეველი ვენერა; ნოზაძე მამუკა, 22 წლის; სამარგულიანი ნანა, 41 წლის; ქვასროლიაშვილი შალვა; ჭყონია-სამარგულიანი მარინა, 31 წლის; ჭიპაშვილი ელისო, 25 წლის; ჭოველიძე თამარი, 16 წლის; ჯანგირაშვილი ნოდარი, 40 წლის; ჯინჭარაძე მზია, 43 წლის; მელქაძე მანანა 23 წლის; ქარსელაძე გია, 25 წლის.
აზა ადამია, 22 წლის,
საქართველოს პოლიტექნიკური ინსტიტუტის სტუდენტი.
ეკა ბეჟანიშვილი, 16 წლის,
კომაროვის სკოლა, მე-10 კალასი
გია ქარსელაძე, 25 წლის,
თბილისის სატყეო მეურნეობის თანამშრომელი
ელისო ჭიპაშვილი, 25 წლის,
რესპუბლიკური საავადმწყოფოს სანიტარი
ვენერა მეტრეველი
ზაირა კიკვიძე, 61 წლის,
კიბერნეტიკის ინსტიტუტის თანამშრომელი
თამარ მამულაშილი, 50 წლის ,
თბილისიდან
თამუნა დოლიძე, 28 წლის,
თბილისიდან
თამუნა ჭოველიძე, 16 წლის,
51-ე საშუალო სკოლის მოსწავლე
თინა ენუქიძე, 70 წლის,
თბილისიდან
მამუკა ნოზაძე, 22 წლის,
ლაგოდეხის რაიონი
მანანა ლოლაძე, 33წლის,
თბილისი
მანანა მელქაძე, 23 წლის,
თბილისი, დიდი დიღომი
მარინე ჭყონია – სამარგულიანი,
35 წლის, თბილისი
მზია ჯინჭარაძე, 43 წლის,
ფსიქიატრიის სამეცნიერო კვლევითი ინსტიტუტის ექიმი
ნათია ბაშალეიშვილი, 16 წლის,
51-ე სკოლის მოსწავლე
ნანა სამარგულიანი,
30 წლის, თბილისი
ნატო გიორგაძე, 23 წლის,
ჩოხატაურის რაიონი
ნინო თოიძე, 25 წლის,
ჩაის სუბტროპიკულ კულტურათა საკავშირო
სამეცნიერი საწარმოო
გაერთიანების თანამშრომელი
ნოდარ ჯანგირაშვილი,
40 წლის, თბილისი
შალვა (დათო) ქვასროლიაშვილი,
თელავის რაიონი
http://www.newposts.ge
მსგავსი სტატიები:
“ხალხი ნაგავში იქექება, გავსებულია მათხოვრებით ქვეყანა” – სიდუხჭირე და გურია
“შეგიძლიათ ჩემთან მოხვიდეთ და ცოტახნით დარჩეთ?”- ნიკოლოზის შარშანდელი წერილი სანტას
ერთი ნაბიჯი სიკვდილამდე- ცნობილების იშვიათი, უკანასკნელი ფოტოსურათები
“ნასაკირალის ბრძოლამ დიდი შთაბეჭდილება მოახდინა უკლებლივ ყველაზე”
„რაფერი ცაია თუ იცი გურიაში“?!-მარიამ ბაქანიძის პოეტური აღმართები და „დაბადება“
“ალბათ, კახისაც იქ ნახავ, იმ არსებულ, თუ არარსებულ თეატრში” – მერაბ ნინიძის ემოციური გამომშვიდობება მარი ჯანაშიასთან
ცნობილია 2021 წლის ერთიანი ეროვნული გამოცდების განრიგი საგნების მიხედვით
საგამოცდო ცენტრების ჩამონათვალი და მისამართები ცნობილია – რაოდენობა გაზრდილია