ნიკა მელიას სასამართლო პროცესი 13 აპრილს გაიმართება

ერთიანი ნაციონალური მოძრაობის“ თავმჯდომარის, ბრალდებული ნიკა მელიას სასამართლო პროცესი ხვალ, 13 აპრილს გაიმართება. სხდომა თბილისის საქალაქო სასამართლოში 11:00 საათზეა დანიშნული.

ხვალინდელ პროცესზე სასამართლო მელიას მიმართ შეფარდებულ აღკვეთ ღონისძიებას – პატიმრობას გადასინჯავს. მოსამართლე ნინო ჩახნაშვილის გადაწყვეტილებით, „ერთიანი ნაციონალური მოძრაობის“ თავმჯდომარე საკუთარ სასამართლო პროცესებზე დასწრებას შეძლებს.

მელიას სასამართლოს სხდომათა დარბაზში დასწრების შუამდგომლობა ადვოკატებმა 8 აპრილს გამართულ პროცესზე დააყენეს. როგორც ისინი შუამდგომლობაში განმარტავდნენ, ნიკა მელიასთვის საშუალება უნდა მიეცათ, რომ სასამართლო პროცესებს დასწრებოდა და უშუალოდ ყოფილიყო მართლმსაჯულების პროცესში ჩართული.

შეგახსენებთ, „ერთიანი ნაციონალური მოძრაობის“ თავმჯდომარე ნიკა მელიასაღკვეთის ღონისძიების სახით პატიმრობა 17 თებერვალს შეეფარდა.

მელიას ბრალი 20 ივნისის საქმეზე ჯგუფური ძალადობის ორგანიზებისა და მისი ხელმძღვანელობისთვის საქართველოს სისხლის სამართლის კოდექსის 225-ე მუხლის 1-ელი და მე-2 ნაწილებით აქვს წარდგენილი. 2019 წლის 27 ივნისს, მას თბილისის საქალაქო სასამართლომ აღკვეთის ღონისძიების სახით 30 000-ლარიანი გირაო შეუფარდა. ასევე, სასამართლოს გადაწყვეტილებით, მას დამატებით შემზღუდავ ღონისძიებად ელექტრონული მონიტორინგი დაუწესდა და სამაჯური გაუკეთდა, თუმცა, ნიკა მელიამ აღნიშნული ელექტრონული სამაჯური 2020 წლის 1-ელ ნოემბერს, საჯაროდ, რუსთაველის გამზირზე მიმდინარე საპროტესტო აქციაზე მოიხსნა. აღნიშნულთან დაკავშირებით აღკვეთის ღონისძიების შეცვლის და 100 000-ლარიანი გირაოს გამოყენების შუამდგომლობით პროკურატურამ საქალაქო სასამართლოს მიმართა.

2020 წლის 3 ნოემბერს, საამართლომ უწყების შუამდგომლობა ნაწილობრივ დააკმაყოფილა და მელიას აღკვეთის ღონისძიების სახით 40 000-ლარიანი გირაო შეუფარდა. სასამართლოს გადაწყვეტილებითვე, ნიკა მელიასდამატებითი ვალდებულებაც დაეკისრა – მას ბრალდების მხარის წინასწარი ინფორმირებისა და თანხმობის გარეშე, შეეზღუდა საქართველოს საზღვრის კვეთაც. ნიკა მელიამ სასამართლოს მიერ შეფარდებული გირაო არ გადაიხადა, რის გამოც, საქართველოს გენერალურმა პროკურატურამ რამდენიმე დღის წინ, ნიკა მელიაგააფრთხილა და გირაოს გადასახდელად ერთკვირიანი ვადა მისცა, თუმცა, „ნაციონალური მოძრაობის“ თავმჯდომარემ გირაოს გადახდაზე უარი განაცხადა.

პროკურატურამ სასამართლოს მელიასთვის პატიმრობის შეფარდების შუამდგომლობით თებერვალში მიმართა. უწყებას „ნაციონალური მოძრაობის“ თავმჯდომარისთვის პატიმრობის მოთხოვნაზე ნებართვა პარლამენტმა მისცა, რომელმაც ოპოზიციონერ დეპუტატს იმუნიტეტი 88 ხმით მოუხსნა.

ნიკა მელია 23 თებერვალს, სპეციალური დანიშნულების რაზმმა პარტიის ოფისში, საკუთარ კაბინეტში აიყვანა.

გააზიარეთ და მოიწონეთ სტატია:

მსგავსი სტატიები

  • 92
    დღეს ნიკა მელიას სასამართლო პროცესი ჩაინიშნანაციონალური მოძრაობის თავმჯდომარე ნიკა მელიას სასამართლო პროცესი თბილისის საქალაქო სასამართლოში 16:00 საათზე ჩაინიშნა. პროკურატურამ აღკვეთის ღონისძიების შეცვლაზე შუამდგომლობით სასამართლოს გუშინ მიმართა. უწყება მელიას მიმართ უფრო მკაცრი აღკვეთის ღონისძიების - პატიმრობის გამოყენებას მოითხოვს. 16 თებერვლის პლენარულ სხდომაზე ქართული ოცნების დეპუტატებმა ნიკა მელიას უკვე მეორედ, დეპუტატის იმუნიტეტი მოუხსნეს 88 ხმით, 2-ის წინააღმდეგ. ამით მათ პროკურატურას…
    Tags: მელიას, აღკვეთის, ნიკა, ღონისძიების, სასამართლოს, სასამართლო, პროცესი, მელიასთვის, პატიმრობის, ნაციონალური
  • 92
    ნიკა მელია თავისუფალია - საქალაქომ შუამდგომლობა დააკმაყოფილანიკა მელია თავისუფალია - თბილისის საქალაქო სასამართლომ გირაოს მოთხოვნის შუამდგომლობა დააკმაყოფილა და ოპოზიციის ლიდერი დარბაზიდან გაათავისუფლა. დღევანდელ პროცესს თავად მელია არ ესწრებოდა, რადგან ის მოსამართლის გადაწყვეტილებით სასამართლო სხდომებიდან გაძევებულია. ნიკა მელიას გირაო - 40 000 ლარი ევროკავშირმა 8 მაისს ჩარიცხა, პროკურატურამ კი აღკვეთის შეცვლის შუამდგომლობით სასამართლოს გუშინ, 9 მაისს მიმართა.
    Tags: ნიკა, შუამდგომლობა, მელიას, გირაო, პროკურატურამ, გადაწყვეტილებით, აღკვეთის, შუამდგომლობით, სასამართლოს, მიმართა
  • 92
    მელია უნდა გათავისუფლდეს- ადვოკატითბილისის საქალაქო სასამართლოში ნიკა მელიას პროცესი დღეს, 13 აპრილს, 11:00 საათზეა ჩანიშნული. როგორც მელიას ადვოკატი, გიორგი კონდახაშვილი ამბობს, ყველა სახის აღკვეთის ღონისძიება უნდა გაუქმდეს და მელია უნდა გათვაისუფლდეს. "ჩვენი პოზიცია იქნება, რომ ნიკა მელია არის პოლიტკური პატიმარი და მასთან მიმართებით უნდა გაუქმდეს ყველა სახის აღკვეთის ღონისძიება, იგი უნდა გათავისუფლდეს პოლიტიკური…
    Tags: ნიკა, და, სასამართლოს, მელიას, აღკვეთის, აპრილს, სასამართლო, მოძრაობის, თებერვალს, ნაციონალური
  • 91
    საქართველოს ისტორიის ამ კრიტიკულ მომენტში მარტო ვერ დავტოვებთ – დონალდ ტუსკიკიდევ ერთი საერთაშორისო გზავნილი და მხარდაჭერა პატიმრობაში მყოფ ოპოზიციონერ ლიდერს, ნიკა მელიას. ამჯერად, ნაციონალური მოძრაობის თავმჯდომარეს მხარდაჭერა ევროპის სახალხო პარტიის პრეზიდენტმა დონალდ ტუსკმა გამოუცხადა.   ის სოციალურ ქსელში განცხადებას აქვეყნებს და იქვე აღნიშნავს, რომ მხარს უკრაინის, ბელორუსიისა და საქართველოს დემოკრატიულ, პროდასავლურ ძალებს უჭერს.   “ნუ დაგვავიწყდება ჩვენი მხარდაჭერა პროევროპული და…
    Tags: და, ნიკა, მელიას, საქართველოს, წლის, მთავარი, თემა, ახალი, ამბები, პოლიტიკა