“სამაგალითოა ნინუცას გამბედაობა” – წილოსანი მაყაშვილს მხარდაჭერას უცხადებს

ქართული ოცნების დეპუტატი ნინო წილოსანი მსახიობ ნინუცა მაყაშვილს მხარდაჭერას უცხადებს.

წილოსანი წერს, რომ სამაგალითოა მაყაშვილის გამბედაობა, “ესაუბრა ამ მძიმე გამოცდილებაზე, რადგან ყოველ ასეთ შემთხვევაში ქალთა მიმართ ძალადობის პრევენციას ეწყობა ხელი”.

“სამწუხაროდ, ოჯახში ძალადობის ფაქტებზე საზოგადოების რეაქცია ჯერ ისევ არაერთგვაროვანია… ხშირად გვესმის მოძალადის გამამართლებელი სტერეოტიპული ფრაზები: “ცოლ-ქმარს შორის ჩხუბი არაფერია” ან “კაცს აბრალებენ”. ქალის დადანაშაულებისა და განსჯის მანკიერი პრაქტიკა კვლავ რჩება საზოგადოებისთვის ერთ-ერთ მნიშვნელოვან გამოწვევად…

ხშირად იმის ნაცვლად, რომ საზოგადოებამ მხარი დაუჭიროს ძალადობის მსხვერპლ ქალს, ის ცდილობს მის გაჩუმებას და არ ერიდება მსხვერპლის მიმართ უსაფუძვლო კრიტიკას.

ქალთა მიმართ ძალადობის ფაქტების გახშირების ფონზე, განსაკუთრებით საშიშია ისეთი დისკრიმინაციული და სიძულვილის ენის შემცველი განცხადებები, რომლებიც ამართლებს და იცავს მოძალადეს.

ამ მოცემულობის პარალელურად მიხარია, რომ კანონმდებლობა გენდერულად მგრძნობიარეა და ვუზრუნველვყოფთ მსხვერპლის სამართლებრივ დაცვას. აქვე უნდა აღინიშნოს, რომ ამის მიუხედავად, მძიმეა საზოგადოებრივი ტვირთი, რომელიც დამატებით სიმძიმედ ევლინებათ ძალადობის მსხვერპლ ქალებს და მათ გაჩუმებისკენ უბიძგებს.

მსურს სოლიდარობა გამოვუცხადო და გავამხნევო ნინუცა მაყაშვილი, ასევე მასთან ერთად ყველა ის ქალი, რომელსაც ერთხელ მაინც განუცდია ფიზიკური სახის ძალადობა. სამაგალითოა ნინუცას გამბედაობა, ესაუბრა ამ მძიმე გამოცდილებაზე, რადგან ყოველ ასეთ შემთხვევაში ქალთა მიმართ ძალადობის პრევენციას ეწყობა ხელი”, – წერს წილოსანი.

ნინუცა მაყაშვილი რუსთაველის თეატრის მსახიობ ბესო ზანგურს ძალადობაში ადანაშაულებს.

გააზიარეთ და მოიწონეთ სტატია:

მსგავსი სტატიები:

“სინათლეში იბადებიან გმირები” უბედური შემთხვევა ლანჩხუთში–60 წლამდე ქალს მატარებელი დაეჯახა II ქვეითი ბრიგადის 23-ე ბატალიონის სამხედროები Oxford/AstraZeneca​-ს ვაქცინით აიცრნენ ვიდეო: ვითარება ოზურგეთის რაიონულ სასამართლოსთან და სასამართლო პროცესის მიმდინარეობა რას წერდა ფრანგი მოგზაური და მკვლევარი ბარონი დე ბაი, რომელმაც საქართველოში XIX საუკუნის მიწურულს იმოგზაურა ჩინური წარმოების ვაქცინებით აცრილთათვის გერმანია ამ ეტაპზე საზღვარს არ ხსნის საქსტატის წინასწარი შეფასებით, მაისში საქართველოს ეკონომიკა 25.8%-ით გაიზარდა “წერილი მამაჩემის სასაფლაოდან”-კეკელიძე