“ფიქტიურ ქორწინებას” ჰგავს, „გამარჯვებად“ ვერ გავაფორმებთ – თაკო ჩარკვიანი შარლ მიშელის დოკუმენტზე

“სტრატეგია აღმაშენებლის” ერთ-ერთი ლიდერი, თაკო ჩარკვიანი შარლ მიშელის მიერ შემოთვაზებულ ახალ დოკუმენტს სოციალურ ქსელში ეხმაურება.

ჩარკვიანის თქმით, დოკუმენტზე ხელის მოწერა “ფიქტიურ ქორწინებას” ჰგავს.

“თქვე კაი ხალხო, თითქმის ბოლომდე მივედით, ცოტაც და დავათმობინებთ მიტაცებულ სახელმწიფოს ოლიგარქს და რა დროს “რყევებია?!” ამ ბოიკოტმა მთელი დასავლეთის ყურადღება მიიპყრო, ამერიკის სენატში თქვეს, სასამართლოში კლანია და ოლიგარქია მძლავრობს ქვეყანაშიო, ეს საჭურისი დოკუმენტი, სადაც არც ჟვანიას მოხსნაზეა საუბარი, არც გარანტია-პრევენცია იმისა, რომ საარჩევნო სისტემის რეფორმა იქნება და კვლავ არ გაყალბდება, ან ამ პირობებში სასამართლოს და პროკურატურის რეფორმებზე საუბარიც კი არ არის, ჰოდა, აბა „გამარჯვებად“ რა ჩავთვალოთ ადგილობრივ არჩევნებს საკანონმდებლო რომ უნდა მივაბათ???და კიდევ ერთი რამ: ჩვენ გარეთ პოლიტპატიმრების გამო არ გამოვსულვართ და ბოიკოტი ამიტომ არ გამოგვიცხადებია (რა თქმა უნდა, ვითხოვ პოლიტპატიმრებს გამოშვებას) მაგრამ უპირველესი მოთხოვნა ვადამდელი გაუყალბებელი ჯანმრთელი არჩევნებია, რადგან ქვეყანაში უნდა მოხდეს ცვლილება და რეფორმირებულ სახელმწიფოში არც პოლიტპატიმრები გვეყოლება. რა დოკუმენტია ეს ასეთი ბუნდოვანი, ხარვეზებით და თან “ფიქტიურ ქორწინებას” ჰგავს, ვერ გაფორმდება ეს „საოცნებო დოკუმენტი“ გამარჯვებად ვერ, რადგან დოკუმენტი რომელსაც ძირეული რეფორმები ვერ მოაქვს, რომელიც მოიტანდა სისტემურ ცვლილებებს, ამ ტიპის დოკუმენტს „გამარჯვებად“ ვერ გავაფორმებთ, მეტიც, ამით ოლიგარქს ვუხანგრძლივებთ სახელმწიფოში თარეშს, სასამართლოში კლანურ მმართველობას!!!!

აბა „ჟვანიამშვიდობისა“ ბატონებო!!!!! „სიბრძნე სიცრუისა“, – წერს ჩარკვიანი Facebook-ზე.

გააზიარეთ და მოიწონეთ სტატია: