თუ პრეზიდენტი გიორგი რურუას შეიწყალებს, არ დავაფიქსირებთ ჩვენს კრიტიკულ პოზიციას – „ქართული ოცნება“

„არ დავაფიქსირებთ ჩვენს კრიტიკულ პოზიციას, თუ საქართველოს პრეზიდენტი გიორგი რურუას შეიწყალებს“,- ამის შესახებ „ქართული ოცნების“ განცხადებაში ვკითხულობთ.

როგორც განცხადებაშია ნათქვამი, გიორგი რურუა არც პოლიტიკოსია და არც რაიმე პოლიტიკური პროცესის თანამონაწილე.

„გვსურს ჩვენი პოზიცია დავაფიქსიროთ გ. რურუასთან დაკავშირებით – ის არც პოლიტიკოსია და არც პოლიტიკურ პროცესში რაიმე გარდატეხის შემტანი პირი. მისი გათავისუფლების საკითხის ასახვა პარტიებს შორის შეთანხმებაში გახლავთ მართლმსაჯულებაში პოლიტიკური ჩარევის უხეში მაგალითი. ჩვენ ვითვალისწინებთ არსებულ რეალობას და ჩვენი პარტნიორების დამოკიდებულებას, სწორედ ამიტომ, არ დავაფიქსირებთ ჩვენს კრიტიკულ პოზიციას, თუ საქართველოს პრეზიდენტი მას შეიწყალებს“,- ნათქვამია განცხადებაში.

გააზიარეთ და მოიწონეთ სტატია: