“ოპოზიციურმა პარტიებმა ნაციონალური მოძრაობა გაწირეს”

გაერთიანებული ოპოზიცია – ძალა ერთობაშიას სიით არჩეული დეპუტატი გუბაზ სანიკიძე აცხადებს, რომ ოპოზიციურმა პარტიებმა შარლ მიშელის დოკუმენტზე ხელის მოწერით ნაციონალური მოძრაობა “გაწირეს”.

როგორც სანიკიძემ გადაცემა პოლიტმეტრში აღნიშნა, პარტიებს, რომლებიც პარლამენტში შევიდნენ “უპერსპექტივო მომავალი” აქვთ.

“გუშინ მოხდა ძალიან ცუდი ფაქტი, თუმცა ჩემთვის და ალბათ ბევრისთვის მოსალოდნელი. გუშინ, ოპოზიციურმა პარტიებმა ფაქტიურად მიატოვეს ნაციონალური მოძრაობა და გაწირეს ნაციონალური მოძრაობის მარგინალიზებისთვის და შემდეგ განადგურებისთვის. დარწმუნებული ვარ, ნაციონალური მოძრაობა მარტო რომ დარჩენილიყო გარეთ და რომ დარჩეს, აუცილებლად რეპრესიები დაიწყება მის წინააღმდეგ დარწმუნებული ვარ, რომ ეს შებრძანებული [პარლამენტში] პოლიტიკური ძალები კრინტის დამძვრელიც არ არიან.

ყველას თავისი არჩევანი აქვს, ღმერთმა გაუმარჯოს ყველას თავისი სიმართლით, მაგრამ მე შემიძლია ჩემი გამოცდილებიდან გამომდინარე მათ ვუწინასწარმეტყველო უპერსპექტივო მომავალი. ჩათვალეთ, ეს პარტიები შემდეგ არჩევნებში ვერცერთ პარლამენტში ვერ მოხვდებიან, რადგან გუშინ მათ შეგნებული ღალატი ჩაიდინეს თავისი პოლიტიკური პარტნიორის, რომელიც ხანდახან გაუმართლებლად უთმობდა დანარჩენ ოპოზიციურ სპექტრს”, – განაცხადა სანიკიძემ.

გააზიარეთ და მოიწონეთ სტატია:

მსგავსი სტატიები:

ივანიშვილი “პაბეგშია”, აქ კი კობახიძე დაგვიტოვა- გუბაზ სანიკიძე “ალბათ, მობეზრდა ამდენი ლაფის დასხმა და წავიდა”-ნანა შონია ივანიშვილზე NDI: პრეზიდენტის საქმიანობას გამოკითხულთა 36% „ცუდად“ აფასებს “მე პარლამენტში შესვლა მინდა, „ქოცების“ ოფისში სიარული კი არ მინდა”-ხვიჩია პროკურატურა გირაოს სახით გადასახდელად 30 000 ლარს ითხოვს “ჩემთვის უმძიმესი განცდაა ყველა ის გოჯი, რაც საქართველოს ამტკიცებს ისტორიულად” “ასეთია სულძაღლის შურისძიება” – ვის სდებს ბრალს სახლის დაწვაში ნემო ბურჭულაძის ვაჟი, მუხრან ბურჭულაძე? “პროცესი აუცილებლად უნდა დაპაუზდეს ვიდრე სასამართლო რეფორმაზე დებატები არ გაიმართება”