შინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1950 წელს დაბადებული, წარსულში ნასამართლევი ა.ხ. ოზურგეთის მუნიციპალიტეტის სოფელ შრომაში დააკავეს. მას ბრალი ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვაში ედება. დანაშაული 3-დან 6 წლამდე ვადით თავისუფლების აღკვეთას ითვალისწინებს. სამართალდამცველებმა, დაკავებულის საცხოვრებელ სახლში ჩატარებული ჩხრეკის შედეგად, ნივთმტკიცებად ამოიღეს: კალაშნიკოვის სისტემის „აკს“-ის მოდელის ავტომატური ცეცხლსასროლი იარაღი, მჭიდითა და 30 საბრძოლო ვაზნით, „ტტ“-ს სისტემის პისტოლეტისათვის განკუთვნილი მჭიდი და 20 საბრძოლო ვაზნა, ასევე, ორლულიანი სანადირო თოფი. ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ფაქტზე გამოძიება საქართველოს სსკ-ის 236-ე მუხლის მე-3 ნაწილით მიმდინარეობს.
მსგავსი სტატიები:
ოზურგეთში 55 წლის მამაკაცი ცივი იარაღით მოკლეს (ექსკლუზივი)
გორში ნაციონალური მოძრაობის ოფისის დაზიანების ბრალდებით მესამე პირი დააკავეს
რა უპასუხეს ოზურგეთის პოლიციაში 20 წლის გოგოს, რომელსაც თავს უცხო მამაკაცი დაესხა
ოზურგეთში მაღაზიის გაქურდვის ფაქტზე, გამოძიება დაიწყო
სოფელ შემოქმედში საფლავები გაძარცვეს
ვინ არის ოზურგეთში დაჭრილი ახალგაზრდა-მომხდარის დეტალები
ექსკლუზივი-ძალადობაში ეჭვმიტანილი პედაგოგი დაკავებამდე გაიტაცეს და ცემეს
ავარია ოზურგეთში-დამტვრეულია სამგზავრო რაფი და პოლიციის პიკაპი