მასწავლებლები და ბაღის აღმზრდელები, სავარაუდოდ, ჩინური ვაქცინით აიცრებიან

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის, ამირან გამყრელიძის განცხადებით, ჩინური ვაქცინა “სინოფარმით“  შესაძლოა,  მასწავლებლები, ბაღის აღმზრდელები, პოლიციელები,  იუსტიციის სახლებსა და „ფრონტ-ოფისებში“ მომუშავე ადამიანები აიცრან.

მისივე თქმით, აღნიშნულ საკითხზე იმუნიზაციის საბჭო ორშაბათს იმსჯელებს.

„ორშაბათს იქნება იმუნიზაციის საბჭო, რომელიც განიხილავს ჩინური ვაქცინის, “სინოფარმის“ დაწყებასთან დაკავშირებულ საკითხს. 18 წელზე ზემოთ დავიწყებთ მას, მაგრამ შესაძლებელია გარკვეულ ჯგუფებში. მაგალითად, მასწავლებლები, ბაღის აღმზრდელები, პოლიცია, იუსტიციის სახლებში, „ფრონტ-ოფისებში“ მყოფი ადამიანები და ასე შემდეგ. დამუშავებული გვაქვს წინადადებები და ამას მოვახსენებთ საბჭოს და საბჭო მიიღებს გადაწყვეტილებას“,- აცხადებს გამყრელიძე.

 

გააზიარეთ და მოიწონეთ სტატია: