გახარიას გუნდის წევრების მიმართ ზეწოლაა – ხოჯევანიშვილი

გახარიას გუნდის ლიდერი, გიორგი ხოჯევანიშვილი, ამბობს, რომ მათ გუნდზე ზეწოლა ხორციელდება. ამის შესახებ ხოჯევანიშვილმა პარლამენტის პლენარულ სესიაზე განაცხადა.

მინდა, შევეხო ძალიან მნიშვნელოვან საკითხს და იმ სამარცხვინო ქმედებას, რომელსაც ადგილი ჰქონდა რეგიონებში ჩემი და ჩემი კოლეგების, გახარიას გუნდის წევრების, მიმართ ზეწოლის ფაქტებს. ყველამ უნდა გაითვალისწინოს, რომ საჯარო მოხელეების და საკრებულოს წევრების მიმართ დამოკიდებულების ის ფორმა, რაც აირჩია ,,ქართულმა ოცნებამ”, არ მუშაობს. მე უბრალოდ ვეტყოდი მათ, ვინც ასეთ დავალებებს გასცემს და ასრულებს, ეს გზა და მეთოდები წარსულში ნაცადია, ეს წარსულს უნდა ჩაბარდეს და უფრო მეტიც, სიკეთეს ვერ მოგიტანთ”, – განაცხადა ხოჯევანიშვილმა.

გააზიარეთ და მოიწონეთ სტატია: