ასეულობით ათას ადამიანს სესხი გაუძვირდა- დეტალები

ეროვნული ბანკის გადაწყვეტილებით, რამდენიმე ათეულ ათას ადამიანს, რომელსაც სესხის პროცენტი რეფინანსირების განაკვეთზე ჰქონდა მიბმული, მომსახურების პროცენტი გაუძვირდა. დღევანდელი გადაწყვეტილებით სესხის პროცენტი 8,5 პროცენტიდან 9,5 პროცენტამდე იზრდება. გადაწყეტილებას ბანკი ინფლაციის მაღალი მაჩვენებლით ხსნის.

პროცენტი გაეზარდა ყველა იმ პირს, რომელსაც სესხი რეფინანსირების განაკვეთზე ჰქონდა მიბმული. ინფორმაციის გადამოწმება სასესხო ხელშეკრულებებში ან სესხის გამცემ ბანკშია შესაძლებელია. “საზოგადოება და ბანკების” ინფორმაციით, 2021 წლის 1 აპრილის მდგომარეობით, ცვლად საპროცენტო განაკვეთზე მიბმული 124 700 სესხია გაცემული.

“ინფლაციის დინამიკაზე ნარჩუნდება საერთაშორისო სასაქონლო ბაზრებზე ფასების ზრდისგან მომდინარე წნეხი, რომელიც ნავთობპროდუქტებისა და სურსათის ზოგიერთ ჯგუფებზე ფასების ზრდაში ისახება. ამასთან, ჯერ კიდევ დაბალი გამოშვების ფონზე, პროდუქციაზე საშუალო დანახარჯები კვლავ მაღალია, რაც ინფლაციაზე დამატებით აღმავალ ზეწოლას განაპირობებს. კომიტეტმა ასევე გაითვალისწინა, რომ სავაჭრო პარტნიორ ეკონომიკებში ბოლო პერიოდში განვითარებული პროცესები, გარკვეულწილად, ადგილობრივ სავალუტო ბაზარსაც გადმოეცემა. ეს უკანასკნელი კი, ეკონომიკის მაღალი დოლარიზაციის პირობებში, ფასების ზრდაზე კიდევ უფრო მეტ წნეხს აჩენს”, – აღნიშნავს ეროვნული ბანკი.

მონეტარული პოლიტიკის კომიტეტის შემდეგი სხდომა 2021 წლის 23 ივნისს ჩატარდება.

გააზიარეთ და მოიწონეთ სტატია:
Pin Share