ქარტია გმობს ჟურნალისტის უკანონო მიყურადებისა და თვალთვალის ფაქტს

დღეს, “ქართული ოცნება – დემოკრატიული საქართველოს” ერთ-ერთმა ლიდერმა, ირაკლი კობახიძემ საზოგადოებას გააცნო „ტვ პირველის“ ჟურნალისტის, ნატო გოგელიასა და “ერთიანი ნაციონალური მოძრაობის” წარმომადგენლის, ბესო ქათამაძის სატელეფონო საუბრის დეტალები. ჟურნალისტის განმარტებით, ასეთი სატელეფონო საუბარი ნამდვილად შედგა და აქედან გამომდინარე, ფიქრობს, რომ მას უსმენენ.

ქარტია გმობს მოქალაქეების, და მათ შორის ჟურნალისტთა უკანონო მოსმენებისა და თვალთვალის პრაქტიკას. ეს ეწინააღმდეგება საზოგადოებრივი დემოკრატიული განვითარების პრინციპებსა და ლიბერალურ ღირებულებებს. ასევე მიუღებელია, როდესაც უკანონო სატელფონო მოსმენების შინაარსს ასაჯაროებენ მაღალი თანამდებობის პირები და პოლიტიკოსები.

ჟურნალისტური ეთიკის ქარტია მოუწოდებს შესაბამის უწყებებს, დროულად მოახდინონ სათანადო რეაგირება სატელეფონო ჩანაწერების უკანონო მოპოვებისა და გამოყენების ფაქტზე.

ჟურნალისტური ეთიკის ქარტიას მიაჩნია, რომ დაცული უნდა იყოს ყველა მოქალაქის ფუნდამენტური უფლებები. იგი მოუწოდებს საარჩევნო პროცესში მონაწილე ყველა აქტორს, კარგად გაიაზრონ მედიის როლი არჩევნების გამჭვირვალედ და დემოკრატიულად ჩატარების პროცესში და ხელი შეუწყონ მათ თავისუფლად და უსაფრთხოდ მუშაობას.

გააზიარეთ და მოიწონეთ სტატია:

მსგავსი სტატიები:

საპატრიარქო დავით გარეჯზე: ეკლესია ვერ გაჩერდება, ვიდრე საკითხი სასიკეთოდ არ გადაწყდება საქართველოში კორონავირუსით 14 პაციენტი გარდაიცვალა როგორ დავბრუნდით 90_იანებში _ ფოტოები ბათუმიდან როგორ შეაფასებდით გიორგი გახარიას საქმიანობას? – NDI-ს კვლევა რა ქონებას ფლობს კახი კალაძე და რამდენი გადაურიცხა „ოცნებას“ 2020-ში “ნიკა მელიას საქციელი სამოქალაქო გმირობაა” ქართულ-ჯიგრული ნონსენსი -შსს-ს დეპარტამენტის უფროსის სახლი გაძარცვეს „მაქვს დაზიანება როგორც თავზე, ასევე სხეულის სხვდასხვა მიდამოში”