მალე მე-12 კლასელებისთვის სასწავლო წელი დასრულდება და ბოლო ზარიც დაირეკება; მაგრამ საინტერესო ისაა, პანდემიის გათვალისწინებით, როგორი ბოლო ზარი ექნებათ წელს, ან საერთოდ, გადაიხდიან თუ არა „ბანკეტს“.
ინფორმაციის გადამოწმება განათლების სამინისტროსთან ვცადეთ, სადაც გვიპასუხეს, რომ მასშტაბური ღონისძიებების ჩატარება აკრძალულია, მაგრამ თუ სკოლის ეზოში, ღია სივრცეში ბავშვებს მოუნდებათ პერანგებზე წარწერების გაკეთება, არავინ დაუშლის;
ასევე, ღია სივრცეში მშობლებსაც შეეძლებათ დასწრება, მაგრამ თუ სკოლის შენობაში მოინდომებენ ბავშვები ბოლო ზარის ღონისძიების ჩატარებას, მაშინ ამ სანახაობის გამოტოვება უფროსებს (მასწავლებლების გარდა) უდავოდ მოუწევთ, რადგან შენობაში მშობლების შესვლა, არსებული პროტოკოლით, დაშვებული არ არის. განათლების სამინისტროში ისიც განგვიმარტეს, რომ ცალსახა აკრძალვა ბოლო ზართან დაკავშირებით, როგორც ეს შარშან იყო, წელს არ არსებობს.
ექსკურსიებთან დაკავშირებით, სკოლებს რეკომენდაციები გადაგზავნილი აქვთ – ოფიციალურად აკრძალული არ არის, თუმცა ეპიდემიოლოგიური მდგომარეობის გათვალისწინებით, აღნიშნული აქტივობა მიზანშეწონილი არ არის.
რაც შეეხება ბანკეტს, შსს-ს განმარტებით, 10 ადამიანზე მეტის შეკრება აკრძალულია; 10 კაციანი ბანკეტი კი არანაირ ჩარჩოში არ ჯდება და ეს ყველამ ვიცით.
ახლა იმაზე საუბარს არ დავიწყებთ, იატაკქვეშ რამდენი რამის მოფიქრება შეიძლება, მაგრამ იმას კი გეტყვით, თუ ფაქტი შეიტყვეს, ჯარიმის გადახდა მოგიწევთ და თუ აქამდე ბანკეტი, ერთი ადამიანისთვის, მინიმუმ 2 000 ლარამდე ჯდებოდა, ამ შემთხვევაში კიდევ 2 000 დამატება იქნება საჭირო კარანტინისა და იზოლაციის წესების დარღვევისთვის.
ფაქტია – ცალსახად, არც ბოლო ზარია აკრძალული და არც ათკაციანი სუფრა, დანარჩენი კი თქვენი არჩევანია, გიღირთ თუ არა ერთი დასამახსოვრებელი დღე, ზედმეტად ძვირადღირებულიც გამოდგეს.
გარდა ამისა, ბოლო ზარისა და ბანკეტის მასშტაბურად აღნიშვნა, კორონავირუსის ახალი კლასტერების წარმოქმნის და შესაბამისად, ინფიცირებულთა ზრდის რისკს ქმნის. ამიტომ ამ მხრივაც მოგიწევთ არჩევანის გაკეთება გართობასა და დაინფიცირებას შორის.
მეთორმეტეკლასელებისთვის თან დაშვებული და თან აკრძალული ღონისძიებების სია კი ასეთია:
დაშვებულია, ბოლო ზარის ღონისძიება – ღია სივრცეში მშობლების ან სკოლის შენობაში მშობლების გარეშე;
ექსკურსია – აკრძალული არ არის, მაგრამ არც მიზანშეწონილია მისი მოწყობა;
ბანკეტი – აკრძალული არ არის, მაგრამ 10 ადამიანზე მეტის თავშეყრა იკრძალება.
https://www.etaloni.ge/
მსგავსი სტატიები:
“ხელისუფლების ბრალია, არჩევნების წინ ევაჭრებიან ადგილობრივ მუსლიმებს”
“საქსტატი:”იანვარში საარსებო მინიმუმი 3.1 ლარით გაიზარდა”
რა ქონებას ფლობს პიანისტი და პარლამენტის წევრი ელისო ბოლქვაძე
“გამაგრდი, შვილო! ვიამაყებთ ყოველთვის ნიკათი მე და მისი შვილი”
მოეხსნებათ თუ არა გერმანიაში დროებით სამუშაოდ წასულ მოქალაქეებს სოციალური დახმარება
ყოველდღიური ნივთებისგან შთაგონებული არაჩვეულებრივი არქიტექტურა
როგორ იწყევლებოდნენ 2300 წლის წინათ ძველი ათენელები – არქეოლოგიური მტკიცებულება
კაცმა ცოლს აცრის გამო სცემა – პატარაია