კომენდანტის საათის გამო საქართველოში ჯავშნების ყოველდღიურად აუქმებენ უცხოელი ტურისტები. სწორედ ამ მიზეზს უკავშირდება გაუქმებული ჯავშნების 85 პროცენტი. ამის შესახებ ტურიზმის კვლევის ცენტრის ხელმძღვანელმა განაცხადა.
ალექსანდრე გიორგიძე ამბობს, რომ თუ ასე გაგრძელდება, ტურიზმის აღდგენა ძალიან რთული იქნება.
“თუ ჩვენ შესადარებლად ავიღებთ გასულ წელს, როცა სრულად ჩაკეტილები ვიყავით და ამას შევხედავთ პოზიტიურად, რომ ახლა, მცირე მუშაობაა, შეიძლება ვთქვათ ასე, სინამდვილეში კი არავითარ გამოცოცხლებაზე საუბარი არ არის. პირიქით, გვაქვს ხელის შემშლელი ფაქტორები. პირველი, ეს არის კომენდანტის საათი. როგორც ჩვენმა კვლევამ აჩვენა, ჯავშნების 95% უქმდება მხოლოდ და მხოლოდ ამ მიზეზით. კომენდანტის საათის პირობებში ტურიზმის აღდგენა არ მოხდება. სანამ კომენდანტის საათი მოქმედებს ნებისმიერი ფორმით, ტურიზმი საქართველოში არ იქნება. იქნება მცირე მოძრაობა ამ სექტორში”, – ამბობს გიორგაძე.
მეორე მნიშვნელოვანი დამაზიანებელი ფაქტორი შაბათ-კვირის შეზღუდვაა კვების ობიექტებისთვის, ხოლო მესამე – დაკეტილი სახმელეთო საზღვარი. მისთვის გაუგებარია, თუ PCR ტესტით შესაძლებელია ჩამოფრენა, რატომ არ შეიძლება იმავე პირობით სახმელეთო საზღვრის გადმოლახვა. გიორგიძე უმუშევრობის პრობლემაზეც ამახვილებს ყურადღებას და ამბობს, რომ ტურიზმის სფეროში დასაქმებული ადამიანების უმეტესობა დღეს უკვე უმუშევარია.
მსგავსი სტატიები:
ლანჩხუთში ბუნებრივი აირის აფეთქების შედეგად ორი ადამიანი დაშავდა
ეკატერინე ტიკარაძე თანამდებობას ტოვებს
მარტო არ ხართ თავისუფლებისთვის ბრძოლაში – ამერიკელი სასულიერო პირების წერილი ქართველებს
მამა ბესარიონმა ბახვის საბავშვო ბაღის აღსაზრდელებს სააღდგომოდ საჩუქრები გადასცა
ასეულობით ათას ადამიანს სესხი გაუძვირდა- დეტალები
როგორი იყო ნამდვილი ოლღა ბებია (ფოტო)
“დღეს არ სთხოვო, ღვთისმშობელი დაღლილია”..
ათეისტური თანამედროვე აზროვნება, სხვა რეალობის შესაქმნელად ემზადება- ილია მეორე