“ნამოხვანჰესის” მოწინააღმდეგეები დედაქალაქისკენ კოლონებად დაიძრნენ

უწყვეტი პროტესტის 209-ე დღე თბილისში მასშტაბური აქციით ჩაივლის.  ქვეყნის სხვადასხვა რეგიონებიდან უკვე დაიძრნენ ადამიანები, რომლებიც 14:00 საათზე, რესპუბლიკის მოედანზე შეიკრიბებიან. ქუთაისში, ჰესის მოწინააღმდეგეები   დედაქალაქისკენ კოლონებად დაიძრნენ.

აქციის მონაწილეების განმარტებით, მათი არცერთი მოთხოვნა ხელისუფლებას ამ დრომდე არ დაუკმაყოფილებია.

მოთხოვნები უცვლელია: შეჩერდეს მოსამზადებელი სამუშაოები, აქციის მონაწილეებს მიეცეთ გუმათიდან ნამოხვანის მიმართულებით გადაადგილების უფლება და გადადგეს ეკონომიკის მინისტრი ნათია თურნავა.

რიონის ხეობის მცველების თქმით, დღევანდელი დღე ერთგვარი რეფერენდუმი იქნება, სადაც ხალხი დააფიქსირებს, რომ მათ არ სურთ რიონის ხეობაში გიგანტური ჰესი.

გააზიარეთ და მოიწონეთ სტატია: