შარლ მიშელის დოკუმენტზე ხელმომწერი ოპოზიციის წარმომადგენლებსა და “ქართული ოცნების” წევრებს შორის შეხვედრა დამთავრდა. ამნისტიის კანონპროექტთან დაკავშირებით მხარეები ვერ შეთანხმდნენ. დღეს, პირველი მოსმენით “ქართული ოცნება” აპირებს, რომ ამნისტიის კანონპროექტის მათი ვერსია მიიღონ.
როგორც “ლელოს” ლიდერმა, ბადრი ჯაფარიძემ ჟურნალისტებთან საუბრისას განმარტა, მმართველი გუნდი ამნისტიის კანონპროექტთან დაკავშირებით, ოპოზიციის შენიშვნებს, მეორე მოსმენისას გაითვალისწინებს.
“ქართული ოცნება აცხადებს, რომ მეორე მოსმენისას იქნება გათვალისწინებული რიგი შენიშვნებისა, რომელიც იქნა გამოთქმული, მაგრამ დღეს პირველი მოსმენისთვის ისინი აპირებენ თავიანთი პროექტის გამოტანას, რომელშიც ჩვენი შენიშვნები გათვალისწინებული არ იქნება”,- თქვა ბადრი ჯაფარიძემ.
რაც შეეხება მხარეების პოზიციებს, საპარლამენტო ოპოზიციის წარმომადგენლები ამბობენ, რომ ამნისტია კონკრეტულ მუხლებს უნდა შეეხოს და არა 20 ივნისს, როგორც მოვლენას.
საუბარია, 225-ე, ჯგუფური ძალადობის ორგანიზების მუხლებსა და 333-ე მუხლის მესამე ნაწილის “ბ” ქვეპუნქტზე – მაღალჩინოსნების მხრიდან უფლებამოსილების გადამეტებაზე.
მმართველი გუნდის წარმომადგენლები კი ამბობენ, რომ ამნისტიის კანონპროექტი 20 ივნისს, როგორც მოვლენას უნდა შეეხოს. “ქართული ოცნება” ძალაში ტოვებს იმ ნაწილსაც, რომელიც ოპოზიციის თქმით, კონკრეტულად ნიკა მელიას ეხებოდა. “ქართული ოცნების” წევრები ამბობენ, რომ ოპოზიციამ მხარი მათ კანონპროექტს უნდა დაუჭიროს.
მსგავსი სტატიები:
ივანიშვილის მოღვაწეობა იყო პოლიტიკური ქველმოქმედების 8-წლიანი აქტი- ნაცვლიშვილი
“ავანტიურისტი შულერი, “ოცნების მზე”, რომელმაც ყველა გადააგდო”- გიორგი თარგამაძე ივანიშვილზე
“ივანიშვილის მმართველობის 8 წლიან ეპოქაში ბიუჯეტიდან 100 მილიარდზე მეტი დაიხარჯა”
“გელათში კვლავ კატასტროფაა, ქარმა დროებითი სახურავი ახადა და წყალი და თოვლი ჩადის… ”
ჯო ბაიდენმა პირველ სამუშაო დღეს 15 ბრძანებას მოაწერა ხელი
გერმანიში სეზონურ სამუშაოზე, საქართველოს 5 000 მოქალაქე დასაქმდება
შევიტყვე ხმების შესახებ, თითქოს გახარიას პარტია ჩემი “პროექტია” – ივანიშვილი
ალბათ, “პუფის” საყიდლად წავიდა, რომ გვერდით “თავიანთ თავს მიუდგან”-ღუდუშაური ენმ-ზე