საქართველოს პრემიერ-მინისტრი ირაკლი ღარიბაშვილი დიასპორის დღისადმი მიძღვნილ ონლაინფორუმზე – „ძლიერი დიასპორა ერთიანი საქართველოსთვის“ – „ქართული ოცნების“ ყოფილი თავმჯდომარის, ბიზნესმენ ბიძინა ივანიშვილის როლსაც შეეხო. ფორუმზე სიტყვით გამოსვლისას მან განაცხადა, რომ ბიძინა ივანიშვილი მრავალი წლის განმავლობაში იყო ემიგრაციაში და სამშობლოში დაბრუნების შემდეგ უდიდესი წვლილი შეიტანა ქვეყნის განვითარებაში: „მე არ შემიძლია არ აღვნიშნო ბატონი ბიძინა ივანიშვილის როლი და დამსახურება, რომელიც ასევე იყო დიასპორის წარმომადგენელი, ასევე იყო ემიგრაციაში მრავალი წლის განმავლობაში და შემდეგ, ყველას კარგად მოგეხსენებათ, რომ იგი დაბრუნდა სულ რაღაც 20 წლის წინ საქართველოში და უდიდესი როლი შეასრულა, უდიდესი წვლილი შეიტანა ჩვენი ქვეყნის განვითარებაში. ეს კიდევ ერთხელ უნდა აღინიშნოს ძალიან დიდი გულისხმიერებითა და გულწრფელობით“, – განაცხადა ირაკლი ღარიბაშვილმა კონფერენციაზე სიტყვით გამოსვლისას.
თბილისში 27-28 მაისს იმართება დიასპორის დღისადმი მიძღვნილი ონლაინფორუმი. ფორუმის ფარგლებში იმართება ორი თემატური შეხვედრა – „ეკონომიკა და ბიზნესი – ქართული დიასპორა ქვეყნის განვითარებისათვის“ და „განათლება და კულტურა“.
https://www.radiotavisupleba.ge
მსგავსი სტატიები:
“რუსული „ლანცეტის“ ფენომენი- ვაქცინები საკმარისი აშკარად არ არის “
აჭარის პოლიციის დეპარტამენტის ხელმძღვანელმა თანამდებობა დატოვა
მნიშვნელოვან გამოწვევად რჩება მართლმსაჯულების დამოუკიდებლობა- ევროკავშირის ანგარიში
მოსამართლეები საეჭვო დიპლომებით – რა დაადგინა “უფლებები საქართველომ”
ნიკა მელია ამნისტიაზე: “ეს არის ხაფანგი, რომელიც ხელისუფლებამ შეთანხმებით დააგო”
“მამაჩემი სასულიერო პირია”… – ვარლამ გოლეთიანი განმარტავს, რატომ ჩავიდა ჭყონდიდში
“მელიას ნება-სურვილზე ვერ იქნება შეთანხმების შესრულება”
ღარიბაშვილმა დღეს სახელმწიფო ლუკაშენკოს ბელორუსიად გამოაცხადა – ნიკა მელია