გაყალბება უნამუსო “ნაციონალების” ხელწერაა”- ვოლსკი არჩევნების შედეგებზე

ქართული ოცნების ერთ-ერთი ლიდერი გია ვოლსკი არჩევნების გაყალბებას უარყოფს და აცხადებს, რომ ეს “წინა ხელისუფლების ხელწერაა”.

ვოლსკის თქმით, ოცნებას რომ გაყალბება სდომოდა, ის და მისი თანაგუნდელები მაჟორიტარულ არჩევნებს პირველივე ტურში მოიგებდნენ.

“ვინმეს რომ სდომოდა გაყალბება, 0.7% დააკლდა ერთ დეპუტატს და 500-მდე ხმა დამაკლდა იმაში, რომ 50% გადამელახა. ის ხელწერა, რაც მაგ უნამუსო ხალხს ჰქონდა თავის დროზე, ეს რომ იყოს ჩვენი ხელწერა, ვინ შეედავებოდა მაგალითად საბურთალოზე რომ ყოფილიყო ჩაწერილი სერგეენკოს გამარჯვება. ვინ შეედავებოდა? ათასობით ადამიანი სიკვდილის ლოგინიდან ააყენა და გაატარა, სიცოცხლე გადაურჩინა. სხვებზე აღარ ვლაპარაკობ”, – განაცხადა ვოლსკიმ იმედის ეთერში.

ცენტრალური საარჩევნო კომისიის მიერ გამოქვეყნებული ბოლო მონაცემების თანახმად, დიდუბის მაჟორიტარულ ოლქში არჩევნების მეორე ტურის ჩატარება იქნება საჭირო, რადგან 50%-იანი ბარიერი ვერცერთმა კანდიდატმა გადალახა. წინასწარი მონაცემებით შედეგები ასეთია: გია ვოლსკი, ქართული ოცნება – 42,69% (29 414 ხმა); ზურა გირჩი ჯაფარიძე, გირჩი – 21,09% (14 529 ხმა); ანა დოლიძე, დამოუკიდებელი კანდიდატი – 20,96% (14 438 ხმა).

რაც შეეხება არჩევნების პროპორციულ ნაწილს, ცენტრალური საარჩევნო კომისიის მიერ უკვე დათვლილია ხმების 100% (3 847 უბანი). წინასწარი შედეგებით, ამომრჩეველთა ხმები ასე გადანაწილდა: ქართული ოცნება – 48,15%; ერთიანი ნაციონალური მოძრაობა – 27.14%; ევროპული საქართველო – 3.78%; პატრიოტთა ალიანსი – 3.14%; ლელო – 3,15%; სტრატეგია აღმაშენებელი – 3,15%; გირჩი – 2,89%; ალეკო ელისაშვილი – მოქალაქეები – 1,33%; ლეიბორისტული პარტია – 1%.

საპარლამენტო არჩევნების შედეგებს ოპოზიციური პარტიების წარმომადგენლები და მათი მხარდამჭერები პარლამენტთან აპროტესტებენ. ისინი აცხადებენ, რომ ქართულმა ოცნებამ არჩევნები გააყალბა და რიგგარეშე არჩევნების დანიშვნას ითხოვენ. აქციის მონაწილეთა ნაწილმა ცოტა ხნის წინ შეძახილებით “წადი! წადი!” მმართველი გუნდის ლიდერის ბიძინა ივანიშვილის რეზიდენციასთან გადაინაცვლა, მოგვიანებით კი, კვლავ პარლამენტთან დაბრუნდნენ.

ამასთან, ოპოზიციის ლიდერებმა პარლამენტის წინ კვირას 8 ნოემბერს 19:00 საათზე მასშტაბური აქცია დააანონსეს.

გააზიარეთ და მოიწონეთ სტატია:

მსგავსი სტატიები

  • 63
    TI: ხელისუფლება ივანიშვილის გავლენის ქვეშაასაერთაშორისო გამჭვირვალობა-საქართველო აქვეყნებს მოკვლევას არაფორმალური მმათველობის პრობლემასა და მისი შედეგების შესახებ. ორგანიზაციის შეფასებით, "ქართული ოცნების მმართველობის ორი ვადის გასვლის თავზე დაგროვილი მტკიცებულებები საკმარისია იმის სათქმელად, რომ კორუფციამ საქართველოში სახელმწიფოს მიტაცების ფორმა მიიღო დღეის მდგომარეობით, საქართველოს ხელისუფლების აღმასრულებელი შტო მთლიანად ერთი ადამიანის გავლენის ქვეშაა. აღმასრულებელ ხელისუფლებას გამოცლილი აქვს შეკავებისა და გაწონასწორების დემოკრატიული მექანიზმები, რაც განპირობებულია…
    Tags: და, რომ
  • 61
    ამ არჩევნებს ამერიკის მთავრობა განსაკუთრებული ყურადღებით აკვირდება - სახელმწიფო დეპარტამენტის წარმომადგენელი„31 ოქტომბრის არჩევნები იქნება კრიტიკულად მნიშვნელოვანი ნაბიჯი იმის დემონსტრირებისთვის, თუ რამდენად ერთგულია საქართველო დემოკრატიული განვითარების გზის მიმართ. თავისუფალი და სამართლიანი არჩევნები, რომელიც შეესაბამება საერთაშორისო სტანდარტებს და გამოხატავს ქართველი ხალხის ნებას, გააძლიერებს დემოკრატიულ სტაბილურობას და საქართველოს კავშირებს არა მხოლოდ შეერთებულ შტატებთან, არამედ ევროკავშირთან და ზოგადად, დასავლეთთან“, – ამბობს შერილ ფერნანდესი, ამერიკის…
    Tags: და, რომ
  • 56
    „გურული დონკიხოტი „- ვინ არის აქტივისტი ქალი, რომელიც რეგიონის ბუნებას ხმალამოღებული იცავსირმა გორდელაძე ოზურგეთის მუნიციპალიტეტში, სოფელ ლიხაურში ცხოვრობს. ისტორიის და სამოქალაქო განათლების პედაგოგია. ყოველთვის აქტიური იყო და საკუთარი სოფლის ყველა საჭირბოროტო საკითხის მოგვარებაში იღებდა მონაწილეობას. ბუნებისდამცველი აქტივისტი მას შემდეგ გახდა, რაც მის სოფელში, მდინარე აჭის ხეობაში, ინერტული მასალის მოსაპოვებლად ერთ-ერთი კომპანია შევიდა და მდინარის კალაპოტს ტრაქტორები მიადგნენ. ირმა იყო ყველგან, დაიწყო…
    Tags: და, რომ
  • 55
    კედლის მხატვრობა Associò, ცხოვრება და შემოქმედება- მხატვარი ლევან სონღულაშვილილევან სონღულაშვილი ახალგაზრდა ქართველი მხატვარია, რომელმაც მოკლე პერიოდში თავბრუდამხვევ წარმატებას მიაღწია დასავლურ სახელოვნებო წრეებში. ის დღეს ნიუ-იორკში ცხოვრობს და მოღვაწეობს.  მისი ნამუშევრები უკვე მსოფლიო სახელოვნებო ინსტიტუციების ყურადღების ცენტრშია მოქცეული. თბილისის სამხატვრო აკადემიის დასრულების შემდეგ ლევანი უორჰოლის დაარსებული “ნიუ-იორკის არტ-აკადემიის” პირველი ქართველი მაგისტრი გახდა. აკადემიის ცნობილმა გამოფენა-აუქციონმა – Tribeca Ball 2015-მა…
    Tags: და