დიდ ბრიტანეთსა და რუსეთში ე.წ. ინდური შტამის სწრაფი გავრცელება დაიწყო

კორონავირუსით ინფიცირების მაჩვენებელი იზრდება დიდ ბრიტანეთში, სადაც ე.წ ინდური შტამი სწრაფად ვრცელდება.

მონაცემები მზარდია რუსეთშიც, სადაც ბოლო დღეებში თებერვლის შემდეგ რეკორდულად მაღალი დღიური მაჩვენებლები ფიქსირდება.

ინდოეთში კი ბოლო 24 საათში COVID-19-ის 68 ათასამდე ახალი შემთხვევა გამოვლინდა, რაც მარტის შემდეგ ყველაზე დაბალი დღიური მაჩვენებელია. ინფიცირების შემთხვევები იკლებს ამერიკის შტატების უმრავლესობაშიც.

პანდემიასთან საბრძოლველად “დიდი შვიდეულის” წარმომადგენლები მსოფლიოს ქვეყნებს ვაქცინის მილიარდ დოზას გაუზიარებენ.