აშშ-ის პრეზიდენტი ჯო ბაიდენი აცხადებს, რომ პრეზიდენტ ვლადიმერ პუტინთან შეხვედრაზე ის მკაფიოს გახდის, თუ სად გადის წითელი ხაზები. ამის შესახებ ბაიდენმა ნატო-ს სამიტის შემდეგ, შემაჯამებელ პრესკონფერენციაზე განაცხადა.
„მკაფიოდ ვეტყვი პრეზიდენტ პუტინს, რომ არსებობს სფეროები, სადაც ჩვენ თანამშრომლობა შეგვიძლია, თუ ის ამას აირჩევს, ხოლო თუ ის აირჩევს, არ ითანამშრომლოს და იმოქმედებს იმგვარად, როგორც წარსულში კიბერუსაფრთხოებასთან და სხვა საქმიანობასთან დაკავშირებით მოქმედებდა, მაშინ ჩვენ პასუხს გავცემთ.
ჩვენ უნდა გადავწყვიტოთ, შედის თუ არა ჩვენს ერთობლივ ინტერესებში და მსოფლიოს ინტერესებში თანამშრომლობა და შევხედოთ, თუ ამის გაკეთება შეგვიძლია. ასევე არის სფეროები, სადაც არ ვთანხმდებით, ჩვენ მკაფიოს გავხდით, სად გადის წითელი ხაზები“, – აღნიშნა ბაიდენმა.
ამასთან, სამიტის შემდეგ გამართულ პრესკონფერენციაზე ჯო ბაიდენმა ვლადიმერ პუტინს ღირსეული მოწინააღმდეგე უწოდა. აშშ-ის პრეზიდენტმა ასევე განაცხადა, რომ გულწრფელი იყო, როდესაც ვლადიმერ პუტინს ერთ-ერთ ინტერვიუში „მკვლელი“ უწოდა.
მსგავსი სტატიები:
“ალბათ, მობეზრდა ამდენი ლაფის დასხმა და წავიდა”-ნანა შონია ივანიშვილზე
NDI: პრეზიდენტის საქმიანობას გამოკითხულთა 36% „ცუდად“ აფასებს
“მე პარლამენტში შესვლა მინდა, „ქოცების“ ოფისში სიარული კი არ მინდა”-ხვიჩია
პროკურატურა გირაოს სახით გადასახდელად 30 000 ლარს ითხოვს
“ჩემთვის უმძიმესი განცდაა ყველა ის გოჯი, რაც საქართველოს ამტკიცებს ისტორიულად”
“ქართულ ოცნებას” კიდევ რომ მიემატოს ვინმე, უფრო მეტად ერთპარტიული იქნება”
“ასეთია სულძაღლის შურისძიება” – ვის სდებს ბრალს სახლის დაწვაში ნემო ბურჭულაძის ვაჟი, მუხრან ბურჭულაძე?
“პროცესი აუცილებლად უნდა დაპაუზდეს ვიდრე სასამართლო რეფორმაზე დებატები არ გაიმართება”