ადგილობრივ პროდუქციასა და მომსახურებაზე ფასები 6.8%-ით გაიზარდა

სტატისტიკის ეროვნულმა სამსახურმა მიმდინარე წლის პირველი კვარტლის ეკონომიკური ზრდის ტენდეციები გამოაქვეყნა.

როგორც დოკუმენტიდან ირკვევა 2021 წლის პირველ 3 თვეში მთლიანი შიდა პროდუქტის დეფლატორმა 6.8% შეადგინა. ანუ გამოდის, რომ ქვეყნის შიგნით წარმოებულ საქონელსა და მომსახურებაზე ფასები საშუალოდ 6.8%-ით გაიზარდა. უნდა აღინიშნოს, რომ ეს მაჩვენებელი წინა წლის ანალოგიურ პერიოდთან შედარებით შემცირებულია, კერძოდ, 2020 წლის იანვარ-მარტში დეფლატორი 7.1%-ზე იყო.

ასევე სავარაუდოა, რომ თუ წელს მთავრობის მხრიდან კომუნალურებისა და ფქვილის სუბსიდია არ მოხდება, მაშინ ქვეყნის შიგნით წარმოებულ საქონელსა და მომსახურებაზე ფასები გაცილებით მაღალი ტემპებით გაიზრდებოდა, ვიდრეს ეს 6.8%-ია.

შეგახსენებთ, რომ მთლიანი შიდა პროდუქტის დეფლატორი სამომხმარებლო ფასების ინდექსის (CPI) მსგავსად ფასების ზრდის ტემპს ასახავს. თუმცა ამ ორ ინდექსს შორის განსხვავებები მაინც არსებობს, კერძოდ, მთლიანი შიდა პროდუქტი მხოლოდ და მხოლოდ ქვეყნის შიგნით წარმოებულ საქონელსა და მომსახურებაზე ფასების ცვლილებას ასახავს, მაშინ როცა სამომხმარებლო ფასების ინდექსი არა მხოლოდ ქვეყნის შიგნით, არამედ იმპორტირებულ პროდუქტებსა და მომსახურებაზე ფასების ცვლილების სურათს გვაძლევს.
გააზიარეთ და მოიწონეთ სტატია: