რუსთავში, მეგობრობის გამზირზე ხანჯლით შეიარაღებული მამაკაცი რამდენიმე პირს თავს დაესხა.“ინფო რუსთავის” ინფორმაციით, შეიარაღებული პირი ტაქსის მძღოლს ყელის გამოჭრით ემუქრებოდა.
თუმცა, თვითმხილველების თქმით, სიტყვიერი დაპირისპირება მას სხვა პირებთანაც ჰქონდა.
“მოვიდა ამ კაცთან, პირბადე მოგლიჯა და გინება დაუწყო. აქ ერთი ბიჭი იყო ამ დროს და იმან უთხრა გაჩერდი, რა დღეში ხარო. შენც გიცნობ, იმასაც ვიცნობ, ორივეს მოგაჭრით თავსო ასე უპასუხა. გაჩერდა ეს კაცი, თორემ შეიძლება დაერტყა პასუხი რომ გაეცა”, – იხსენებს ერთ-ერთი გარემოვაჭრე.
თვითმხილველებმა მეგობრობის გამზირზე პოლიცია გამოიძახეს, თუმცა 60 წლამდე კაცი ადგილიდან მიიმალა. სამართალდამცავებმა შეიარაღებული პირის იდენტიფიცირება მოგვიანებით შეძლეს.
სასწრაფომ მამაკაცი რუსთავის ფსიქიატრიულ კლინიკაში გადაიყვანა, თუმცა ადგილების არქონის გამო ის სამედიცინო დაწესებულებაში არ მიიღეს და უკან გამოუშვეს.
“ინფო რუსთავის” ინფორმაციით, კაცი მოგვიანებით გლდანის ფსიქიატრიულ დაწესებულებაში გადაიყვანეს, სადაც ის მკურნალობას გააგრძელებს.
მსგავსი სტატიები:
რა გახდა ოზურგეთში 55 წლის მამაკაცის მკვლელობის მიზეზი- ახალი დეტალები
ოზურგეთში სუპერმარკეტი “მოდერნი” დააყაჩაღეს
გუშინ კომენდანტის საათის დროს ოზურგეთში სამი სწრაფი ჩარიცხვის აპარატი გაძარცვეს (ექსკლუზივი)
ლანჩხუთში ტყეში მამაკაცის გვამი იპოვეს
ლესბოსელ წყვილზე მორიგი თავდასხმა სასტიკი ანგარიშსწორებით დასრულდა
ოკეანის ფსკერზე, სპორტულ ჩანთაში მოთავსებული გარდაცვლილი ბავშვის ცხედარი იპოვეს
შინაგან საქმეთა სამინისტრომ პოლიციელებზე თავდასხმის ბრალდებით გურიაში 13 პირი დააკავა
სისხლიანი გარჩევა ოზურგეთში – დაჭრილია 16 წლის ბიჭი