შემოსავლების სამსახურმა საბაჟო გამშვებ პუნქტებზე სარფი და ფოთის პორტი გამოავლინა პროდუქტები, რომლებშიც ჯანმრთელობისთვის საშიში მავნე ორგანიზმები აღმოჩნდა.
კერძოდ, უწყების ცნობით, ფიტოსანიტარის მიერ თურქეთიდან შემოტანილი ტვირთის იდენტურობისა და მცენარეთა სიჯანსაღის კონტროლის განხორციელებისას 1952 კილოგრამ პომიდორს აღმოაჩნდა საკარანტინო მავნე ორგანიზმი.
საქართველოს მთავრობის N463-ე დადგენილების თანახმად, აღნიშნული საქონელი განადგურებას დაექვემდებარა.
იმპორტის პირობებთან შეუსაბამობის მეორე ფაქტი, რომელიც საბაჟო გამშვებ პუნქტში – “ფოთის და ყულევის პორტები და ფოთის თავისუფალი ინდუსტრიული ზონა” გამოვლინდა, შეეხება 82 500 კილოგრამ ქათმის გაყინულ ხორცს.
ტვირთის ვეტერინარული სასაზღვრო კონტროლის ჩატარებისას, ლაბორატორიული კვლევის შედეგად, დადასტურდა ჯანმრთელობისთვის საშიში მავნე ორგანიზმი.
სურსათის ეროვნული სააგენტოს ბრძანებით, პროდუქტის მწარმოებელ კომპანიას შეუჩერდა საქართველოში იმპორტის უფლება ერთი წლის ვადით, ხოლო ტვირთი, საქართველოს მთავრობის დადგენილების შესაბამისად, დაექვემდებარა გადამუშავებას სურსათის ეროვნული სააგენტოს უფლებამოსილი პირების ზედამხედველობით.
მსგავსი სტატიები:
“2 თებერვლის ღამე განსაკუთრებული ღამეა გურიაში”
“ბებია დიდ ხის გობზე, ნაშუადღევს იწყებდა ჭადის ზელვას”..
“”ოპოზიციური ერთობა”, მხოლოდ მოკლევადიანი მიზნებისთვის შეიძლება არსებობდეს”
განათლების სამინისტრო სკოლებს რეკომენდაციით მიმართავს
მდინარე, რომელზეც ჰესი ისე კეთდება, ჰიდროლოგიური თვალსაზრისით შესწავლილი არ არის
ტიკარაძე: ვაქცინაციის ოფიცერი კარდაკარის პრინციპით მოქალაქეს რეგისტრაციაში დაეხმარება
მოსახლეობის უმეტესი ნაწილი უპირატესობას „ფაიზერს“ ანიჭებს – ძვირფასს დროს ვკარგავთ მოლოდინში
როგორ უპასუხეს გურულებმა 1906 წელს პოლკოვნიკ კრილოვს