გურიას ახალი გუბერნატორი ჰყავს- გიორგი ურუშაძე პრემიერ მინისტრმა უკვე დანიშნა

პრემიერ-მინისტრმა ირაკლი ღარიბაშვილმა, ახლად დანიშნულ და ყოფილ გუბერნატორებთან, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ ეკატერინე ტიკარაძესა და მთავრობის ადმინისტრაციის რეგიონებთან ურთიერთობის დეპარტამენტის უფროს ლერი ბარნაბიშვილთან ერთად, სამუშაო შეხვედრა გამართა. მთავრობის მეთაურმა ახლად დანიშნულ გუბერნატორთან რეგიონში განსახორციელებელი პრიორიტეტული პროექტები განიხილა, რომლებიც მათ შორის პრემიერის მიერ ინიცირებული პროგრამის „განახლებული რეგიონების“ ფარგლებში იგეგმება.

გიორგი ურუშაძე პროფესიით სამართალმცოდნეა.

გურიის რეგიონში სახელმწიფო რწმუნებულად დანიშვნამდე იგი სახელმწიფო ქონების ეროვნულ სააგენტოში მუშაობდა, ხოლო მანამდე – სხვადასხვა თანამდებობაზე, ფინანსთა სამინისტროს მომსახურების სააგენტოში.

გიორგი ურუშაძემ გურიის რეგიონში სახელმწიფო რწმუნებულის თანამდებობაზე გიორგი სახოკია შეცვალა, რომელიც ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სახელმწიფო სააგენტოში, მრჩევლად დაინიშნა.

პრემიერ-მინისტრმა გიორგი სახოკიას გაწეული სამსახურისთვის მადლობა გადაუხადა და წარმატებები უსურვა.

გააზიარეთ და მოიწონეთ სტატია:

მსგავსი სტატიები:

ვინ არის მამაკაცი რომელიც წუხელ ლანჩხუთში ავტოსაგზაო შემთხვევას ემსხვერპლა “8 წელია დავიტანჯეთ უწყლოდ და უგზოდ” -აქცია ოზურგეთში 7 სოფელს მესამე დღეა შუქი არ მიეწოდება- რა მდგომარეობაა ამ დროისთვის ოზურგეთში? “ჩვენი ქვეყნის საუკეთესო ნაწილი” ასე ახასიათებდა გურიას ,,ცნობის ფურცელი” “ის თანხა ჩვენთვის რომ დაენიშნათ, რასაც მიმღებ ოჯახებს აძლევენ, შვილები სახლში მეყოლებოდა და ანრიც ცოცხალი იქნებოდა” რატომ არ თმობს “ოცნება” ცოცხალი თავით სასამართლოს? “მე და ქალბატონმა ციურიმ გადავწყვიტეთ გურიაში დავაარსოთ ხანდაზმულთა შეხვედრისა და გართობის ცენტრი – ,,კუნხურეხა”-კეკელიძე “ბაბუაჩემიც ყოფილა, მარა სახლში არ გამოუვლია” – მიცვალებულები, რომლებიც არჩევნებზე დადიან