20-მდე აბიტურიენტი კოვიდინფექციის გამო ქართული ენისა და ლიტერატურის გამოცდაზე ვერ გავიდა. ინფორმაციას შეფასების და გამოცდების ეროვნული ცენტრის ხელმძღვანელი, სოფიო გორგოძე ადასტურებს.
მისივე თქმით, ინფიცირებული აბიტურიენტები საგამოცდო პროცესს არ გამოეთიშებიან, ისინი გამოცდას დამატებით სესიაზე ჩააბარებენ.
ზუსტად 8:00 საათზე დაიწყო რეგისტრაცია პირველ სესიაზე. ამ ეტაპზე არსებული ინფორმაციით, დაახლოებით 20-მდე აბიტურიენტია, ვისაც კოვიდინფექცია დაუფიქსირდა და ისინი ცალკე სესიაზე იქნებიან დაბარებული”- აცხადებს გორგოძე.
რაც შეეხება რეგულაციებს, შეფასების და გამოცდების ეროვნული ცენტრის ხელმძღვანელის თქმით, წელს აბიტურიენტებს პირბადის ტარება მთელი საგამოცდო პროცესის განმავლობაში მოუწევთ.
შარშანდელისგან განსხვავებით, წელს გვაქვს ორი სესია – დილის და შუადღის სესია. აბიტურიენტები შემობრძანდებიან, გაივლიან თერმოსკრინინგს და დეზობარიერს, დაიმუშავებენ ხელებს და ამის შემდეგ განთავსდებიან სექტორებში, სადაც არაუმეტეს 10 აბიტურიენტია. მერხები დისტანციით არის განლაგებული და თითოეული მერხის წინ განთავსებულია ფარი“, – განაცხადა სოფიო გორგოძემ.
ერთიანი ეროვნული გამოცდები ქართული ენისა და ლიტერატურის გამოცდით დაიწყო.
წელს ქვეყნის მასშტაბით 25 საგამოცდო ცენტრია მოწყობილი. გამოცდებს ჯამში 83 600 პირი აბარებს, მათ შორის 39 ათასამდე აბიტურიენტია.
მსგავსი სტატიები:
„მოასმენინეთ ბავშვებს თემურის სიმღერები, ვაჟკაცები გაიზრდებიან“
“11 თებერვალს რუსეთის ჩარევით, ილია მეორის გადაყენება იგეგმება” – რელიგიურ ექსპერტთა ასოციაცია
2020 წელს შსს-მ ოჯახში ძალადობის 9144 მსხვერპლი გამოავლინა, საიდანაც 7573 ქალია
“ვინც თქვენს გულს არ უფრთხილდება, თქვენ არ გიმსახურებთ”
რატომ იზრდება საწვავის ფასი
როგორია დღეს კოვიდის მაჩვენებელი გურიაში
შსს: “ამ ეტაპზე ადმინისტრაციული წესით დაკავებულია 8 პირი – 55 პირის მიმართ გამოვლინდა ძალადობის ფაქტები”
საქართველოში წმინდა ქეთევან წამებულის წმინდა ნაწილებს ჩამოაბრძანებენ