საქართველოში ოქრო გაიაფდა

შეერთებული შტატების ფედერალური რეზერვის მიერ ეკონომიკური პოლიტიკის გამკაცრების შემდეგ, ოქროს ფასი ბოლო ოთხი წლის განმავლობაში ყველაზე დიდ ყოველთვიურ ვარდნას განიცდის. ერთი უნცია (28.3 გრამი) ოქროს ღირებულება 1800 ამერიკულ დოლარს ჩამოსცდა.

ძვირფასი მეტალის ფასზე თავისი გავლენა მოახდინა შეერთებულ შტატებში საფონდო ბირჟებზე აქციათა ზრდის ტემპმა და დოლარის მსყიდველუნარიანობის გამოცოცხლებამ. გარდა ამისა, ინვესტორები კორონავირუსის ახალი შტამის, დელტას, გავრცელების გამო მოგზაურობაზე შეზღუდვების გამკაცრებასაც მოელიან, რამაც მათ სტიმული მისცა, ვაჭრობის დონის განსაზღვრაზე თავიდან დაფიქრდნენ.

ფასების ვარდნის მაჩვენებელმა, 2016 წლის ნოემბრის შემდეგ ყველაზე დიდი, 6.9%-იანი დაღმასვლა აჩვენა. იგივე ტენდენცია შეინიშნება სხვა ძვირფასი მეტალების: ვერცხლის, პალადიუმისა და პლატინის შემთხვევაშიც.

გააზიარეთ და მოიწონეთ სტატია: