ტაქსებსა და მსუბუქ ავტომობილებში თამბაქოს მოხმარება შესაძლოა აიკრძალოს

ამის შესახებ „ბიზნესპრესნიუსი“ ჯერ კიდევ აპრილში წერდა. აღნიშნული ინიციატივა მაშინ „თამბაქოს კონტროლის შესახებ“ საქართველოს კანონის აღსრულების მდგომარეობის თაობაზე, პარლამენტის მიერ გამოქვეყნებულ დადგენილებაში იყო გაცხადებული.

როგორც დოკუმენტში იყო აღნიშნული, გამოკითხვებისა და ზეპირი მოსმენის დროს მიღებული ინფორმაციის თანახმად, გამოიკვეთა რამდენიმე მნიშვნელოვანი გარემოება. მათ შორის, პარლამენტის დადგენილებაში საუბარია, იმაზე, რომ ტაქსებსა და მსუბუქ ავტომობილებში თამბაქოს არასრულწლოვანთა თანდასწრებით მოხმარების აკრძალვის დაწესებაზე მსჯელობის დაწყება დროულია და მისი დაწესება გააძლიერებს თამბაქოს კონტროლის ღონისძიებებს.

იმაზე თუ როდის უნდა ველოდოთ ამ ინიციატივის კანონად ქცევას, რადიო „პალიტრასა“ და „პალიტრანიუსის“ გადაცემაში „საქმე“ დაავადებათა კონტროლის ეროვნული ცენტრის არაგადამდებ დაავადებათა დეპარტამენტის ხელმძღვანელმა ლელა სტურუამ ისაუბრა.

„დაავადებათა კონტროლის ეროვნული ცენტრის სრული მხარდაჭერა აქვს ნებისმიერ კანონს თუ კანონპროექტს, რომელიც შეზღუდავს – როგორც თამბაქოს მოხმარებას, ისე პასიურ მოხმარებას. მეტიც, ცენტრი მუშაობს ამ კანონებზე. გამოკვლევაც გვაქვს ჩატარებული და მათ შორის მწეველი მოსახლეობაც მომხრეა, რომ ტაქსებსა და მსუბუქ ავტომობილებში აიკრძალოს თამბაქოს მოხმარება. ჩვენ, ჯანდაცვის სისტემა და ალბათ, ჯანდაცვის კომიტეტიც ძალას არ დავიშურებთ, რომ ეს ინიციატივა კანონად იქცეს და ჯეროვნად აღსრულდეს,“-განაცხადა სტურუამ.

გააზიარეთ და მოიწონეთ სტატია:

მსგავსი სტატიები:

“ჯო ბაიდენმა ჯორჯ ვაშინგტონს შემადარა”-სააკაშვილი “ო, როგორ დამენანა ასეთი სამარცხვინო დასასრული” ხანძარი ლანჩხუთში- ქვემო მამათში ცეცხლი ტყის მასივს უკიდია წესები, რომელიც სწრაფი გადახდის აპარატიდან გადარიცხვისას სავალდებულო გახდა 1 ტომარა ფქვილზე სახელმწიფო სუბსიდია გაიზარდა საპენსიო ბიუჯეტისთვის გამორჩეული ქვეყნები ნახეთ როგორია პრეზიდენტის ზღვა თემქაზე და როგორ ისვენებს “მელოტა” (ფოტოები) “ეს არ არის შეუძლებელი! ამის გაკეთება ნებისმიერ ქალაქს შეუძლია”