“ბაბუაჩემიც ყოფილა, მარა სახლში არ გამოუვლია” – მიცვალებულები, რომლებიც არჩევნებზე დადიან

თუ აქამდე ვინმეს ეჭვი გეპარებოდათ, იცოდეთ, რომ სიკვდილის შემდეგ სიცოცხლე ნამდვილად არსებობს – მიცვალებულები უშუალოდ ერევიან ცოცხალთა საქმეებში და, ზოგჯერ, მათ ნაცვლად გადაწყვეტილებებსაც კი იღებენ.

Post Factum-ის ჟურნალისტი, დათო აბრამიშვილი სწორედ ასეთი მკვდრების მოსაძებნად ჩავიდა გურიაში. მან იპოვა იმ ადამიანთა საფლავები, რომლებიც წლების წინ გარდაიცვალნენ, მაგრამ ვერა და ვერ მოიშალეს არჩევნებში მონაწილეობის მავნე ჩვევა – როგორც ჩანს, მათ ვერ გააცნობიერეს, რომ დაიხოცნენ; მაინც ჯიუტად მიდიან საარჩევნო უბნებზე და ხმას აძლევენ…

რატომ და რისთვის არის მათი სახელები ასე ამაყად გამოჭიმული საარჩევნო სიებში? თან ერთი და ორი კი არა…

ორი, ხუთი, შვიდი წლის წინ გარდაცვლილი ადამიანები ცესკოს მტკიცებით არჩევნებზე დადიან და ხმასაც სასურველ კანდიდატს აძლევენ..

უფრო მეტიც, ლანჩხუთის ერთ ერთ სასაფლაოზე რამდენიმე გარდაცვლილი პირი #7 საარჩევნო უბანზე გასულ წელს არა მარტო ამომრჩეველთა სიაში იმყოფებოდა, არამედ მონაწილეობაც მიუღია არჩევნებში: “მასე ბაბუაჩემიც ყოფილა ხმის მისაცემად მისული, მარა სახლში არ გამოუარია”- იხუმრა ერთ ერთმა ლანჩხუთელმა.

ორგანიზაცია “საზოგადოებრივმა ინიციატივამ” შეისწავლა 1930 წლამდე დაბადებული 3671 ამომრჩევლის მონაცემები და მათგან 443, ანუ მთელი 12% გარდაცვლილი აღმოჩნდა!

ორგანიზაციამ ამომრჩეველთა მხოლოდ მცირე ნაწილის შესწავლა შეძლო, იმიტომ, რომ სრული ინფორმაცია მათ არ მიაწოდეს. შესაბამისად, წარმოგიდგენიათ საარჩევნო სიები სრულად რომ შემოწმდეს, რამდენი მკვდარი აღმოჩნდება იქ?

რაც იმას ნიშნავს, რომ, დიდი ალბათობით, საქართველოს მიცვალებულების ხელით მოყვანილი ხელისუფლება ჰყავს… და თან არა პირველად. აგერ უკვე მერამდენედ…

გააზიარეთ და მოიწონეთ სტატია:

მსგავსი სტატიები:

“ვარჯიში არ შედგა, 6 ფეხბურთელი მივიდა მხოლოდ”-რა ხდება ოზურგეთის “მერცხალში”? “გურიაში სახალხო განათლება უფრო მაღალ დონეზეა ვიდრე სხვაგან” ვინ არის მამაკაცი რომელიც წუხელ ლანჩხუთში ავტოსაგზაო შემთხვევას ემსხვერპლა 100 კაციდან რამდენი ადამიანი მოისურვებდა გურიაში ცხოვრებას-რა აჩვენა რუკამ? “რეზო გაბრიაძემ მაჩუქა თავისი თეატრის სალარო და თავისი ხელით დააწერა “რგთ””-ზურა შევარდნაძე ადამიანები თანასწორი იბადებიან… ლანჩხუთში, ავტოსაგზაო შემთხვევისას მძღოლი გარდაიცვალა “შვილგარდაცვლილი დედები ვერასდროს იყურებიან მაღლა,მეტიც – მათ პირდაპირ მზერაც კი უჭირთ,დედა ამ ჭირთან ისე მარტოა, როგორც თვითონ სიკვდილთან ადამიანი”