“ბოლო-ბოლო ქვეყანა გაკოტრდება, დეფოლტი გამოცხადდება“ – თემურ ჭყონია

ბიზნესმენ თემურ ჭყონიას აზრით, როდესაც პოლიტიკა მძაფრდება, ეპიდსიტუაცია გვავიწყდება. ახლა ორივე ისეა გამძაფრებული და არეული ერთმანეთში, რომ თანაბრად არის კრიზისული.

„მე არ მჯერა, რომ სიმართლეს ვერ ვიპოვით, იმიტომ რომ საქმე ეხება ხალხის სიდუხჭირეს, ზამთარი მოდის, ფასები… პენსიები… ბოლო-ბოლო ქვეყანა გაკოტრდება, დეფოლტი გამოცხადდება და მერე რა უნდა ვუყოთ? ამიტომ ხომ უნდა ვიფიქროთ… ჩვენი მთავარი მიზანია არა ფიქრი იმაზე, ვინ ვის მოუგებს? არამედ იმაზე, რომ მოიგოს, მაგრამ რისთვის იგებს და რა შედეგი ექნება“, – განაცხადა თემურ ჭყონიამ.

მისი მოსაზრებით, თუ შეთანხმება მოხდება ოპოზიციას და მმართველ პარტიას შორის, შესაძლებლობები არსებობს.

„სიტყვა კოალიცია არ ნიშნავს მტრობას, ეს ნიშნავს მიზნის გარშემო გაერთიანებას, და არა იდეის. შეიძლება ერთმანეთი სძულდეთ, მაგრამ როდესაც ერთ ოთახში დასხდებიან და იფიქრებენ საქართველოს ეკონომიკის განვითარებაზე, მაშინ 10 წუთი ერთმანეთი უნდა უყვარდეთ, დანარჩენი 50 წუთი რაც უნდათ ის აკეთონ“, – განაცხადა თემურ ჭყონიამ.

წყარო: bm.ge

გააზიარეთ და მოიწონეთ სტატია: