ქართული ოცნების დეპუტატი, მიხეილ ყაველაშვილი ამბობს, რომ ძალადობრივ კონტრაქციაზე განვითარებული მოვლენები მიუღებელია და საკითხთან დაკავშირებით არავითარი “მაგრამ” არ არსებობს.
“შინაგან საქმეთა სამინისტრო დაკავების პროცედურებს ახორციელებს, დამნაშავეების იდენტიფიცირებას ახდენს და დაველოდებით, ეს რეაგირება რამდენად შესაბამისი იქნება. თუ საზოგადოებაში კითხვები დარჩება, პარლამენტი თავის როლს შეასრულებს და პასუხებს შინაგან საქმეთა მინისტრს მოსთხოვს. თუ ვინმეს გაუჩნდება კითხვა, რომ ვინმე არ დაისაჯა, რეაგირება მოხდება”, – განაცხადა ყაველაშვილმა.
რუსთაველის გამზირსა და მიმდებარე ტერიტორიებზე „თბილისი პრაიდის“ მოწინააღმდეგეებმა გუშინ ჟურნალისტებისა და ოპერატორების მიმართ აგრესიული ქმედებები განახორციელეს, რის შედეგადაც დაშავდნენ სხვადასხვა მედიასაშუალების წარმომადგენლები, მათ შორის საზოგადოებრივი მაუწყებლის ოპერატორი ილია თვალიაშვილი.
შსს-მ რუსთაველის გამზირზე აქციისას მედიასაშუალებების წარმომადგენლების მიმართ განხორციელებული ფიზიკური ძალადობისა და ძალადობის მუქარით პროფესიულ საქმიანობაში უკანონოდ ხელის შეშლის ფაქტზე სამი პირი დააკავა.
ამასთან, გამოვლენილ სამართალდარღვევის ფაქტებზე ამ ეტაპზე ადმინისტრაციული წესით დაკავებულია რვა პირი.
უწყების ინფორმაციით, ჩატარებული საგამოძიებო ღონისძიებებით 55 პირის მიმართ გამოვლინდა ძალადობის ფაქტები, მათ შორის 53 არის სხვადასხვა მედიასაშუალების წარმომადგენელი.
მსგავსი სტატიები:
ბადრი ჯაფარიძე: “თუ ვთანხმდებით, ვთანხმდებით ყველა საკითხზე”
საქართველოში საშუალო ხელფასმა 2020 წლის IV კვარტალში 1 314 ლარი შეადგინა
“პუტინის ნამესნიკი თავიდანვე განწყობილი იყო ცალსახად ჩაეშალა მოლაპარაკებები კრემლის ბრძანებით”
“რა პრობლემები აქვს ბახვი1 ჰესის პროექტს-მოკლე ჩამონათვალი”
“დღეს რაც ხდება ქვეყანაში, ეს არის ჯოჯოხეთი…უკანა ეზო ვართ, შ.პ.ს. ბოსტანი გავხდით”
“კი, დამოუკიდებლობა ფორმალურად გვაქვს მაგრამ რამდენად თავისუფალი ვართ”?
მზად ვართ საქართველოსთან საზღვრების გადახედვისთვის – რუსეთის საგარეო უწყება
რატომ დატოვა “ქართული ოცნება”- გიორგი გახარია პარტიიდან წამოსვლის მიზეზებზე