„ყველაზე მნიშვნელოვანი სიახლე, რაც ევროკომისარმა გაგვიზიარა, საქართველო დაახლოებით 4 მლრდ ევროს ეკონომიკურ მხარდაჭერას მიიღებს”

საპარლამენტო უმრავლესობის წევრი არჩილ თალაკვაძე აცხადებს, რომ ევროკომისარ ოლივერ ვარჰეისთან პოზიტიური შეხვედრა შედგა.

არჩილ თალაკვაძე:

„ყველაზე მნიშვნელოვანი სიახლე, რაც ევროკომისარმა გაგვიზიარა, ის არის, რომ ევროკავშირი საქართველოს ეკონომიკური მხარდაჭერის ოთხწლიან გეგმაზე მუშაობს, რომლის თანახმად, საქართველო დაახლოებით 4 მლრდ ევროს ეკონომიკურ მხარდაჭერას მიიღებს. ეს მოხმარდება ბიზნესსექტორის განვითარებას, ახალი სამუშაო ადგილების შექმნას და პანდემიით დაზარალებული ეკონომიკის მდგრად აღდგენას. თავისთავად, ეს გაზრდის ჩვენი მოქალაქეებისთვის შემოსავლებსა და საქართველოს მეტ ინტეგრაციას მოახდენს ევროპულ ბაზარში. გაზრდის ექსპორტს, შექმნის ახალ სამუშაო ადგილებს და ამ მიმართულებით ევროკავშირთან ძალიან ბევრი სამუშაო გვაქვს.

შეხვედრაზე ვისაუბრეთ ჩვენს თანამოქალაქეებთან დაკავშირებით, რომლებიც უკანონო პატიმრობაში იმყოფებიან და ადამიანის უფლებების დარღვევებზე. ძირითადი დრო დაეთმო საქართველოს დემოკრატიულ რეფორმებსა და პარლამენტის საქმიანობაზე საუბარს. ასევე შარლ მიშელის გეგმის განხორციელებას, სადაც კიდევ ერთხელ შემიძლია გითხრათ, რომ ჩვენ გვაქვს ევროკავშირის მხრიდან სრული მხარდაჭერა. ჩვენ კომისარს მადლობა გადავუხადეთ მისი პირადი ჩართულობისთვის, ვინაიდან პოლიტიკური დიალოგის დროს აქტიურად უჭერდა მხარს საქართველოს დემოკრატიულ მიღწევებს და მან მნიშვნელოვანი გზავნილი გააკეთა, რომ პარტიები უნდა დაბრუნებულიყვნენ პარლამენტში და პოლიტიკური პროცესი მხოლოდ პარლამენტში უნდა მიმდინარეობდეს. შესაბამისად, ამ შეხვედრას პოზიტიურად შევაფასებ. კომისრის ვიზიტი საქართველოში არის ძლიერი მხარდაჭერის დემონსტრირება“.

ალია

გააზიარეთ და მოიწონეთ სტატია:

მსგავსი სტატიები:

ჩემთვის გუშინდელი დღის გმირები მუსლიმი დედები არიან… საკუთარი შვილებისაგან ქრისტიანთა შვილების დასაცავად თავგანწირულები არ დავუშვებთ რელიგიურ ნიადაგზე პროვოკაციებს- პრემიერი ბუკნარის ინცინდენტზე პაატა ბურჭულაძე არ გამორიცხავს, რომ პოლიტიკაში დაბრუნდეს “ვგულშემატკივრობთ ნიკას” “ასეა ბიძია, ვინც ფულს იხდის, ხალხიც მის გვერდით დგას” -ვინ შეუერთდა ოზურგეთიდან “უცნობის” აქციას? “სოდომისტებმა დაიწყეს შტურმი პარლამენტზე. არაა? “ნაციონალური მოძრაობა” სოდომისტები არ არიან? პერფორმანსი პარლამენტში – ენმ-ს წევრებმა დარბაზში 20 ივნისის ამსახველი ფოტოები გააკრეს რატომ არ თმობს “ოცნება” ცოცხალი თავით სასამართლოს?