გუშინ და წინა დღეებში პოლიციამ იმოქმედა შესაძლებლობების მაქსიმუმის ზღვარზე. მადლობა მინდა გადავუხადო თითოეულ პოლიციელს, რომლებმაც ყველაფერი გააკეთეს, და ჩვენ კადრებიც ვნახეთ, როგორ უფრთხილდებიან ისინი მეტად ჟურნალისტების ჯანმრთელობასა და უსაფრთხოებას, ვიდრე საკუთარ უსაფრთხოებას, – ამის შესახებ ჟურნალისტებს „ქართული ოცნების“ აღმასრულებელმა მდივანმა, მამუკა მდინარაძემ განუცხადა.
მისივე თქმით, რა თქმა უნდა, ამ გმირ პოლიციელებს მადლობა ეკუთვნით, მაგრამ იყო მომენტები, სადაც ვერ მოხერხდა ის, რაც იყო ყველასთვის სასურველი.
„სამწუხაროდ, დაშავდა არაერთი ჟურნალისტი და ოპერატორი. სწორედ ეს სურდათ პროვოკაციის ავტორებს. შსს-მ დეტალურად ისაუბრა დღეს ამ ფაქტებზე. ეს ასხამს წყალს პროვოკაციის დამგეგმავების წისქვილზე. 3000-ზე მეტი პოლიციელი განაწილებული იყო სხვადასხვა ლოკაციაზე, ხოლო „პრაიდის“ ორგანიზატორებმა პოლიციას ლოკაციებიც კი არ შეატყობინეს. ამის გამო ურთულესი აღმოჩნდა პრევენცია და შედეგებიც, სამწუხაროდ, ყველამ ვნახეთ. ახლა მთავარია, რომ მომავალში პრევენცია იყოს მაქსიმალურად უზრუნველყოფილი, და ამისთვის ყველა მოძალადე პირი უნდა იყოს იდენტიფიცირებული და დასჯილი“, – აცხადებს მდინარაძე.
მსგავსი სტატიები:
“ბიძინასგან მიცემული მილიონი გაუთავდა“-ნათელაშვილი ხუხაშვილზე
რა წერია წერილში, რომელიც გიორგი გახარიამ აშშ-ს პრეზიდენტს მისწერა
თინა კანდელაკი-სააკაშვილი ყალბი ქართველი და პოლიტიკოსია
“აბა ჰესები არ გვჭირდება? აბა რუსეთზე ვიყოთ დამოკიდებული?”
საქართველო IMF-ისგან დამატებით $111 მილიონს მიიღებს
მეუფე იოანე: “გელათი თქვენ [ჟურნალისტების] გამო დაიკეტა, მოუსვენარი ხალხი ხართ”
თამარ ჟვანია ცესკოს თავმჯდომარის თანამდებობას ტოვებს
“მე, მაგალითად, სიმართლე გითხრათ, ადამიანის უფლებრივ ნაწილში ადამიანის გამოხატვის მომხრე ვარ”