“არ მიიღება ღარიბაშვილის ფარისევლური სამძიმარი და ფარისევლურად გადმოგდებული ცრემლები”

„არ მიიღება ღარიბაშვილის ფარისევლური სამძიმარი და არ მიიღება ეს ფარისევლურად გადმოგდებული ცრემლები. გულისამრევია ყველა ვინც იძახის დღეს – დაველოდოთ გამოძიებას. საზიზღრობაა, ყველამ ვინც დაიწყო გარდაცვლილი ადამიანის სახელის შებღალვა და საზიზღრები ხართ ყველა, ვინც დღეს ხელისუფლებაში სხედხართ! რაც დათესეთ იმას მოიმკით.

დღეს უნდა შევიკრიბოთ. შევიკრიბოთ ლექსოს, თემირლან მაჩალიკაშვილის გამო, თუნდაც გირგვლიანის გამო. რა შუაშია თვითმკვლელობა?! 5 დღის წინ ადამიანი დაასახიჩრეს, სცემეს. ახლა ვსაუბრობთ თვითმკვლელობამდე მიყვანამდე?! ვინ მიიყვანა თვითმკვლელობამდე, მეუფეებმა?! ეს ყველაფერი ჯოჯოხეთად მოგიბრუნდებათ. პერსონალურად ღარიბაშვილს – აი, ამ საზიზღრობის, შლეგი, გონება დაკარგული „ჩმორი“ ივანიშვილის, რომელიც ყველა საზიზღრობაზე ხელის მომწერია. ივანიშვილი გიჟი წავიდა და ორი გიჟი დატოვა, ეს ქვეყანა განსაცდელშია. ეს სიტუაცია აფეთქდება, ჩამოგვეშლება ყველაფერი. ადამიანს ხომ ვეღარ გავაცოცხლებთ?! საზიზღრობაა, ეს ყველაფერი“, – განაცხადა უგულავამ.

გააზიარეთ და მოიწონეთ სტატია:
Pin Share