აშშ-ს საელჩო საქართველოში ოპერატორ ლექსო ლაშქარავას გარდაცვალებას მის ოჯახს უსამძიმრებს. საელჩოს თქმით, ისინი, ვინც მონაწილეობა მიიღო 5-6 ივლისის ძალადობებში ან წააქეზა აგრესიული ქმედებები, ყველა უნდა წარდგეს კანონის წინაშე.
“ამერიკის შეერთებული შტატების საელჩო თბილისში ღრმა მწუხარებით უსამძიმრებს ლექსო ლაშქარავას ოჯახს, უპირველეს ყოვლისა ლექსოს დედას, მის კოლეგებს ტვ პირველში და ყველას, ვინც შეძრულია და დამწუხრებულია მისი გარდაცვალებით. ლექსო, როგორც მედია პროფესიონალი, მრავალი წელი კამერის უკან მუშაობდა და შეიძლება ზოგს ის ვერც კი ეცნო, სანამ მას სასტიკად არ გაუსწორდნენ ის პირები, რომლებმაც ადამიანის სიცოცხლისადმი პატივისცემის სრული უგულებელყოფა აჩვენეს. ლექსოს მიერ კოლეგის დაცვისას გამოვლენილი სიმამაცე და მისი ერთგულება ფუნდამენტური თავისუფლებების მიმართ, რასაც ოდითგანვე აფასებდნენ ამ ქვეყანაში, წარმოადგენს ქართველი ხალხის საუკეთესო თვისებებსა და ტრადიციებს.
ლექსოს თავდასხმასთან დაკავშირებით რამდენიმე პირის დაკავება პირველი დადებითი ნაბიჯია სამართლის აღსრულებისკენ. თითოეული ქართველი ჟურნალისტის უსაფრთხოება და დემოკრატიისადმი რწმენა საქართველოში მოითხოვს, რომ ყველა, ვინც თავს დაესხა მშვიდობიან მოქალაქეებსა და ჟურნალისტებს 5 და 6 ივლისს, ან ვინც წააქეზა ძალადობა, უნდა გამოვლინდეს, იქნას დაპატიმრებული და უნდა წარსდგეს სასამართლოს წინაშე კანონის სრული სიმკაცრით.
ჩვენ მოვუწოდებთ სიმშვიდისკენ და იმ ძალადობის დასრულებისკენ, რომელმაც უკვე გამოიწვია ერთი ადამიანის ტრაგიკული სიკვდილი”. – წერია საელჩოს განცხადებაში.
მსგავსი სტატიები:
საქართველოში კორონავირუსით დღეს კიდევ 3 ადამიანი გარდაიცვალა
“გურიის მოამბის” ვებ-გვერდის მკითხველთა საყურადღებოდ!
“ოცნება” ფულიანი დეპუტატების შეყვანით პარლამენტში, პოლიტიკური რეალობის გაყალბებას ცდილობს”
ყოველთვის მთელი გულით ვემსახურებოდი უფალს და სამშობლოს- პატრიარქი წერილს აქვეყნებს
“ბიძაჩემი ასეთ ხალხს “უტრა…ო ყარაჩოღლებს” ეძახდა”
რა უპასუხეს ოზურგეთის პოლიციაში 20 წლის გოგოს, რომელსაც თავს უცხო მამაკაცი დაესხა
მამუკა მდინარაძე: „პრეზიდენტს ვეტოს დასადებად სამართლებრივი საფუძველი არ აქვს“
11 წლის ემიგრანტმა გოგონამ, გიორგი კეკელიძის ზღაპრები იტალიურად თარგმნა