მათიკაშვილი ღირსების მარშზე: ეს იყო სუფთა, წმინდა წყლის პროვოკაცია

როდესაც ერთმნიშვნელოვნად აცხადებ, რომ არ გააკეთო ეს აქცია [ღირსების მარში] ან სულ მინიმუმ მაინც, ლოკაცია შეცვალე იმისთვის, რომ მე ჩემი პოზიტიური ვალდებულება, როგორც დამცველის, ბოლომდე განვახორციელო. როდესაც არსებობს ინფორმაციები, რომ ასეთ აქციებს ჩვენი ავად, ჩვენ წინააღმდეგ არსებული ძალები, როგორც ქვეყნის შიგნით, ისე მის გარეთ, ძალიან კარგად იყენებენ, რომ სამოქალაქო დაპირისპირების სიტუაცია შექმნან, როდესაც არის აშკარა მოცემულობა იმის, რომ კონკრეტულ საათზე შესაძლებელია, მოხდეს სერიოზული პროვოკაციის მოწყობა, რასაც 10, 20, 50 კი არა, არამედ 100, 200 და 500 ადამიანი შეეწიროს, როცა ასეთი მოცემულობაა და შენ მაინც ვითომ რაღაც პრინციპს იცავ და სხვა ლოკაციაზეც კი არ გინდა ეს ყველაფერი გამართო, მაინცდამაინც იქ გინდა ეს ყველაფერი განახორციელო, ამით შენ პროვოკაციას აწყობ. ეს იყო სუფთა, წმინდა წყლის პროვოკაცია. შესაძლებელი იყო გვერდით ლოკაციაზე განხორციელებულიყო ეს ყველაფერი.

ამის შესახებ ქართული ოცნების დეპუტატმა, დავით მათიკაშვილმა ამის შესახებ პალიტრანიუსის ეთერში ისაუბრა. 5 ივლისს დაგეგმილი ღირსების მარში ვერ ჩატარდა, ვინაიდან სახელმწიფომ საკუთარი მოქალაქეების დაცვაზე უარი თქვა. მარშამდე რამდენიმე საათით ადრე რუსთაველის გამზირზე ორკები შეიკრიბნენ, რომელიც თავს დაესხნენ 54 ადამიანს, მათგან 53 ჟურნალისტს.

გააზიარეთ და მოიწონეთ სტატია:
Pin Share